Mizoram hi India ram pumah POCSO Act hnuaia Conviction rate nei sang ber a ni - DGP Mizoram

Mizoram DGP, Balaji Srivastava chuan Mizoram chu India ram pumah POCSO Act hnuaia Conviction rate nei sang ber a nih thu sawiin, Naupangte case bik khawihna tur, Child Friendly Police Station chu Lawngtlai-a siam a nih hnuah Mizoram District tinah siam belh tum a nih thu a sawi bawk.

Pawngsual leh mipat hmeichhiatna kaihhnawiha pawikhawihna (sexually abused) tuartu naupangte \anpui dan tur, Multidimensional Psychological Trauma Assessment and Intervention for Child Sexual Abuse chungchang zirhona nimin a Aizawl-a buatsaih khuallian nia a hmanpuina ah he thu hi sawiin Mizoram DGP, Balaji Srivastava chuan Protection of Children from Sexual Offences Act (POCSO) Act 2012 hnuaiah Mizoram sawrkar chuan kum 2014 a\anga kumin June thla thleng khan thubuai ziahluh 719 a nei tih sawi a, pawikhawitute dan ang taka hremna (Conviction rate) a sang hle tih sawiin, Mizoram hi India ram pumah POCSO Act hnuaia conviction rate nei sang ber a ni, a ti.
DGP chuan naupang laka pawikhawihtu ten thiamloh an chan a, dan anga hrem an tawrh ngei theih nan Police ten \an an la a, hetiang thil rapthlak tak a thlen hian Police te chuan uluk taka chhui leh pawikhawihtute thiamloh chantir (convict) an nih thuai theihna tura hma lak chu an mawhphurhna a ni a, theihtawp chhuah zel an tum thu a sawi a. Naupangte case bik khawihna tur, Child Friendly Police Station chu Lawngtlai-ah siam a nih tawh thu leh Mizoram District tinah siam belh zel tum a nih thu pawh DGP hian sawiin, Mizoram chhunga tlawmngai pawl te chu fakawm a tih thu a sawi a. kawng tinrengah khawtlang tana chhawr nahawm, naupang humhimna kawngah pawh pawl \angkai leh thawhhlawk nia a hriat thu a sawi bawk.
National Commission for Protection of Child Rights, Mizoram State Commission for Protection of Child Rights, Mizoram State Child Protection Society leh Social Welfare Department \angkawp buatsaih he training hi MSCPCR Chairperson,Sangzuali Vanchhawng chuan a kaihruai a, AIIMS, New Delhi a\angin Dr. Rajesh Sagar, Professor, Dept. of Psychology leh Dr. Renu Sharma, Child Psychologist ten kalkhawm te thupui thlanbik hmangin an zirtir a, District tin a\angin DCPU Counsellor, Child Care Institution-a Counsellor leh Superintendent te bakah tlawmngai pawl aiawhte an tel a ni.

Popular posts from this blog

PAN CARD an tih teh fo hi - Laldinpuia