Bawlhhlawh paih ah hmasawn ila

Bawlhhlawh paih ah hmasawn ila

Serchhip in faina kawnga hma a lakna kalzelah tunhnai khan Serchhip khawpui thli dawng lui pahnih, Sesah lui leh Hmawngawn lui te chu a \um hnihna atan zirlai ten thenfai hnatlang an nei leh a. Kan khawpui faina tur leh a hmel mawina tura hetianga kan sawrkar hotu ten hma an la \hin hi a lawmawm hle mai a. Hetianga thenfai a ngaih fo lohna tur hian mipuite pawhin bawlhhlawh paih lamah kan fimkhur a \ul hle a. Faina hi tute emaw bik hmalakna avanga hlawhtling duak thei ni lovin kan zavaia kan \anruala hma kan lak \ulna a ni tih kan hriat reng a pawimawh a ni.

Faina kawngah rampum huapin hma kan la a, kawng hrang hrangah kan hmalak hlawhtlinna pawh hmuh tur a awm mek zel a, nikum lama Mizoram-a khawpui fai inelna a dinhmun sang hauh phaklo Serchhip khua pawhin tunah chuan kawng hrang hrangin hma kan sawn tawh a, nikum lam ai chuan nasa takin hma pawh kan sawn tawh niin a lang. Heng Faina lama hma kan lakna te hi inelna atan chauh ni lovin kan hriselna atan te leh kan tu leh fa lo la awm zel turte tana pawi-mawh zawk a ni tih hi mipuite hian hre reng ila, chutiang thinlung pu chung chuan hma pawh kan lak zui a \ul a ni.

Faina kawnga hmasawn kan ngaihna lian tak chu kan bawlhhlawh paihna thu ah hian niin a lang a, sawrkar lam a\angin Motor hmanga paih \hin a nih bakah VC \henkhat te pawhin hma an la a, amaherawh chu mipuite hian heng te hi kan la hmang \angkai tawklo niin a hriat a. Chuvangin mipuite hian khawilai hmun awl remchang ah emaw te kan bawlh-hlawh hi paih mai mai lovin a paihna hmun tur bik fel tak siama chumi hmun ngeia paih chu kan inzirtir zel hi a \ul hle a ni.