Aizawl-a Independence Day hmanna ah Chief Minister in mipuite hnenah thuchah a sawi

India Independence Day vawi 72-na chu nimin khan Mizoram hmun hrang hrangah hman a ni a, Mizoram-a he Ni hmanna pui ber Aizawl Sipai Lammual-a neih ah Chief Minister, Lal Thanhawla chuan Hnam Puanzar pawtparhin Parade contingent-ten Hnam puanzar zahna chibai an buk a chhanglet a, mipuite hnenah thuchah a sawi bawk.

Chief Minister, Lal Thanhawla chuan, “Zalenna sualtu mi hmasate inhlanna avangin Vawiin hian India in kan zalenna \um 72-na kan lawm thei a ni,” tiin Independence Day lawm rual hian ram leh hnam tana inpekna thinlung pu thar leh \heuh turin mipuite a sawm a. Ram hmasawnna atan remna leh muanna pawimawh thu sawiin Chief Minister chuian, Mizoram pawhin remna a chan hnuah hmasawnna kawng zawh chho in, India rama State Economy \hang \ha ber pawl zingah Mizoram a tel thu leh lawmawm a tih thu a sawi a. Eizawnna ngelnghet leh ramngaw chereu tawh siam\hatna tur atan NLUP hmalakna chu kalpui a nih thu leh NLUP hmalakna tinghet tur atan New Economic Development Policy (NEDP) chu duanchhuah leh niin, hemi hnuaiah hian hmasawnna ruhrel siam tura hmalakna hrang hrang ruahman a kalpui mek zel a nih thu a sawi a. ‘My Project, My NEDP - MiMIR (Mipui Mamawh In\awm Ruahmanna)’ chu mipui mamawh in\awm siamna tur ruahmanna ah a chhawrtu tur mipuite an tel ve ngei theihna tura duan a nih thu a sawi bawk.

Tunlai khawvel \hang zelah kawlphetha mamawhna a san telh telh avangin power lama intodelh tura hmalakna dinhmun te sawiin Chief Minister chuan, Tuirial HEP chu hawn anih tawh thu te, New Development Bank (BRICS Development Bank) \anpuina hmangin 24 MW Tuirini Hydel Power Project thawhna tur ruahman a nih thu te, 210 MW Tuivai HEP thawhna turin NEEPCO nen thawhhona thuthlung ziah a nih thu leh hmalakna dang hrang hrang a awm thu te a sawi a. Heng bakah hian NEDP kaltlanga Mizoram chhunga pawnlam miten Investment an rawn tih theih nan “Magnetic Mizoram” tia hmalakna avangin mimal sumdawngte nena thawhhona turin Solar Energy-ah cheng vbc. 600 ziah a nih thu a sawi a. Kawlphetha intodelhna atan Ni chakna hmanga kawlphetha siamchhuah Solar Energy chu sawrkarin pawimawh tiin, Vankal-a Mega Solar Park siam te, Va\huampui leh Sailam-a Mini-Grid SPV Plant siam te, Melriat 132 kV Sub-Station-a Grid Connected Rooftop SPV Plant siam hna te thawh mek a nih thu a sawi bawk.