Latest News

Ruihhlo avanga kan channa hi chhiarkawp hmanga chhut ngawt theihloh khawpin a nasa - Lalsawta

Law Minister, Lalsawta chuan ruihhlo vanga harsatna chu Mizoram-ah chhungkaw tam takin a takin an tuar tih sawiin, "Ruihhlo avanga kawng tinrenga kan channa hi chhiarkawp hmanga chhut ngawt theih pawh ni tawh lovin a nasa a ni," a ti bawk.

Mizoram State Legal Services Authority (MSLSA) leh Government Mizoram Law College (GMLC) in nimin a GMLC Legal Chamber-a 'Legal Services to Victims of Drug Abuse and Eradication of Drug Menace' tih thupui hmanga rampum huap Seminar an buatsaih khuallian nia a hmanpuina ah he thu hi sawiin Law Minister, Lalsawta chuan ruihhlo avangin Mizoram-ah chhungkaw tam takin harsatna an tawh thu leh \halai tam tak a hun lovah ruihhlo vanga an thih thu a sawi a, ruihhlo vanga retheihna leh harsatna Mizoramin a tawh te chu a nasa hle tih sawiin, hetianga rampum huap Seminar Aizawl-a buatsaih a ni chuan ruihhlo dona kawngah rah \ha chhuah ngei se a duh thu leh ruihhlo ngaih avanga dan thila harsatna tawkte \anpuina kawng te dap nise a duh thu bakah Mizoram chhunga Ruihhlo avanga harsatna tam tak awm mekte tihtawp dan kawng te ngaihtuah chhuah ni se a lawmawm tur thu a sawi a. Ruihhlo dona kawnga Central YMA hmalakna sawiin, anni aia thawk nasa an awmloh thu leh YMA te pawh a chang chuan ruihhlo do kawngah an beidawng teuh \hin hle tih sawiin, Ruihhlo tawlhtu te hrem kawngah an chan a chhiat \hin avanga an beidawnna te pawh a awm a. Court in hrem phu te a hrem theih nan he seminar hian ruahmanna \ha zawk a rawn chhawpchhuah ngei a beisei thu a sawi bawk.
He hunah hian Gauhati High Court Judge, Justice Michael Zothankhuma pawhin Ruihhlo avangin khawvel ram zawng zawng deuhthaw in harsatna lian tak tak an tawk deuh vek tih sawiin, Ruihhlo do hna chu \angruala thawh chi a ni, a ti a. Pawl pakhat chauhin a do a, midangin an thlir mai mai chuan hneh chi a ni lo tih sawiin, sawrkar, mipui, pawl hrang hrang, NGO te leh mimal anga \anrual vekna tur thil a nih thu a sawi bawk. 
Hei bakah hian Justice Michael Zothan-khuma chuan Ruihhlo do kawngah dan chu mahni kuta dah lovin thuneitute kuta hlanchhawn \ha a tih thu a sawi rualin, Enforcement Agency te \anlak a ngai nasa tih a sawi a. Enforcement Agencies te lam a\anga a rawn chian loh chuan Court lamah hrem phu hliah hliah te pawh hrem theih in an awm lo palh thei tih a sawi bawk.
Nimin a he Seminar hi Session 6-ah \hen niin mithiam hrang hrangte Paper buatsaih chu zirho a ni a, he Seminar-ah hian Haryana, Punjab, Manipur, Nagaland, Assam leh Maharashtra bakah GMLC zirlai te an tel a ni.

Comments

Popular News (Last 30 Days)