Tripura a\anga Bru kir duh la awm lovin ruahman sa angin sawrkar in hma a la zui zel

Tripura Transit Camp a\anga Mizoram mi leh sa Bru-te Inrinni kalta a\anga Mizoram a hruai let tum chu Bru zingah kir duh an awm loh avangin Inrinni khan a hlawhchham nia thudawn a ni a. A hmaa inremna lo awm tawh angin Bru te hruaikir tur hian ruahman sa angin sawrkar chuan hmalak zel a tum a ni.

Thudawn danin Tripura Transit Camp hrang hranga awm mek Bru-te hian Mizoram-a an kir huna ham\hatna an hmuh tur hrang hranga an thilphut tihhlawhtlin phawt an phut avangin hruakir hun tura ruahman, Inrinni-ah hian kir an awm lo va, hetihlai hian Zirtawpni khan Lunglei District-a Putlungasih khaw mi leh sa chhungkaw khat chu an kir a, hei bakah hi Mizorama kir an awm hriat a ni lo a ni. Bru hruaikir chungchanga inbiakna August 23, 2018-a Damcherra-a neihah Bru-te hian kir an tum loh thu an sawi avangin Mamit District thuneitute chuan hruai kir hna thawktu tur official leh lirthei pawh an tir lova. Lunglei leh Kolasib District thuneitute erawh chuan lirthei hi an lo tirh tawh avangin a tawp thlengin nghah an tum a, Mamit district thuneitute chuan kir duh an awm chuan ruahmanna siam leh an tum niin an sawi bawk.

Ruahman dan chuan Tripura a\anga Bru hruai kir hna hi August 25 a\anga Sept. 25, 2018 inkar chhunga thawh tum a ni a. Mizoram Bru Displaced Peoples Forum (MBDPF), President A.Sawibunga chuan report an dawn loh avangin Mizorama Bru kir an awm leh awm loh a hriat loh thu a sawi thung.

Tunhnaia Mizoram sawrkar aiawh ten Bru Camp hrang hranga kir duh leh duhlo an zawh chiannaah chhungkaw 423-a mi 2753-ten kir an duh thu an sawi a. Hetihlai hian Tripura camp hrang hrangah hian Bru chhungkua 5407 an awm nia thudawn a ni.

Bru-te hian Mizoram-a an let hunah chhungkaw 500 vel a huhoa awm te, ei bara hma an sawn nan Development Council din te, ram hectare 5 \heuh pek te, anmahni vengtu tur Para Military Force dah leh chhungkaw tin tan chhawm-dawlna nuai 4 pek nghalte an phut a ni.