Tuesday, 7 August 2018

Mizoram sorkar-in ramri a ngaihthah - Lalduhoma

ZPM Chief Ministerial Candidate Lalduhoma chuan Mizoram sawrkar chu ramri ngaihthah ah a puh.
Nimin khan ZPM Chief Ministerial Candidate Lalduhoma hian Aizawl-a ZPM Office-ah thuthar thehdarhtute kawmin Assam sawrkarin NRC hmangin Foreigner mi nuai 40 chuang hnawhchhuah an tum mek chungchang a sawi a. He hunah hian Lalduhoma chuan Assam sawrkar in NRC hmanga mi an hnawhchhuah zingah hian MP pahnih leh Muslim MLA pali an tel thu sawiin, chung Foreigner te chuan \henawm State-ah luhruk an tum mek niin a sawi a. Manipur leh Nagaland sawrkar te chuan ramri-ah Police duty tirin Meghalaya-ah pawh Khasi Students Union-ten ramri-ah Infiltration Gate siamin an duty bawk tih a sawi bawk.
ZPM Chief Ministerial Candidate chuan S. Kumar Khare, Joint Secretary, Department of Economics, Ministry of Finance chuan, PM Vision Report a thehluhah chuan, Hailakandi bial vela mi cheng 98% te chu dan lova Bangladesh a\anga lo lut an ni a, 60% chu Muslim an ni a, 38% chu Hindu an ni tih a tarlang tih pawh sawiin, “Assam a\anga Foreigner hnawhchhuah turte hian Hailakandi-a an unaute belin, Zoram-ah loluh an tum ngei dawn a. Chuvangin, Vairengte, Kolasib, Bairabi, Kanhmun leh Zawlnuam-ah te duty dah vat a \ul a ni,” a ti a. Hetihlaia tun thlenga Mizoram sawrkar in hma a la la miahlo chu pawi an tih thu sawiin, “Kan sawrkarna chelhtute hian sawrkar hi an peih ta lo ni berin a lang. Hna hi an thawk peih ngang lo a nih chuan bang law law se, kan \hatpui zawk ang,” a ti bawk.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...