No Teaching Day hmang \an

Mizoram Government Aided School Association (MIGASA) chuan Adhoc Status-a dah ngiatna atana hma an lakna kal zelah nimin a\ang khan ‘No Teaching Day’ an hmang a, karleh Zirtawpni thlengin ‘No Teaching Day’ hi hman a ni ang.

Mizoram Government Aided School Association (MIGASA) ten nimin-a thuchhuah siama an tarlan danin Mizoram sawrkar-ah Adhoc Status-a dah tura an ngenna ah tun thlenga thu lawmawm an la hriat loh avangin MIGASA General Assembly-in a lo rel lawk tawh angin August ni 9 a\angin ‘No Teaching Day’ hi an hmang a, August ni 17 thleng ‘No Teaching Day’ hi hmangin hemi hnuah pawh thu lawmawm an la hrelo anih chuan O.B Meeting-in an kal zel dan tur an ngaihtuah dawn thu leh Assembly-in a lo rel lawk tawh danin School khar thlengin ruahmanna siam an tum thu an sawi bawk.

MIGASA thuchhuah in a tarlan danin tun dinhmunah Lumpsum H/S leh M/S hi 61 an awm mek a, heng zinga 27 hi High School niin a dang zawng chu Middle School an ni a. Lumpsum-a hlankai an nih tirha an grant dawn, School pakhat tana kumkhata Rs. 1,20,000 chu a beitham tawh hle tih tarlangin, Kum sawm (10) chhunga tihpun leh ennawn awm miahlo an grant dawn mek chu cheng nuai khat pawh tling mang lova tihpun sak ve hret an tum chauh nia an hriat thu an tarlang a, hei hian zirtirtu hun rei tak Rs. 5,000/- vel chauh hlawha lo thawk tawhte hlawh han tihsan ve na pawh a phuhru pha lo tih an tarlang a, khawtlang mipui ten kum 20 zet an lo hahpui tawhna a chhawk pha hauh lo bawk tih an tarlang bawk.

MIGASA chuan tun dinhmuna Lumpsum School-te chu kum 2005 hmalama din deuh vek an ni tih sawiin, Adhoc Grant-in-Aid a hlangkai turin sawrkar chu an ngen nawn leh tih an sawi a. No Teaching Day an hman avanga zirlai 3000 chuangin an tawrh phah chu pawi an tih thu pawh an tarlang bawk.