Latest News

Mipuite inhlawhna siamsak

Serchhip-III Village Council-a VEC chuan Zirtawpni MGNREGS hnuaiah inhlawh runpui siamin, Convergence a huan neitute Rs. 6000/- pe-a hna an thawhtir \hin chu mipuiin inhlawhin hna an thawk.
Serchhip-III VEC in MGNREGS hnuaia inhlawh runpui an buatsaih ah hian mi 141 thawkchhuhakin an huamchhunga chhungkaw pali (4) te huan-ah hna thawh a ni a, he huna thawk-chhuak te thawhna hi Serthlum huan vek niin, Serthlum bul chu lei\ha pekna tura an laihhual (half moon terrace) bakah an samfaisak vek bawk a. A huan neitute pawhin an thawh ah hian hlawh (Daily rate) hi an la ve tho a, mahni huan-ah hlawh neiin an thawk tihna a ni.
He hunah hian Lo hrang hrangah mipuite chu insemdarhin hna hi an thawk a, he inhlawhna a thawk te hi anmahni bialtu VLA, Lucy Mal-sawmtluangi chuan vilin Geo-Tagging ti turin thla lak nghal zel a ni bawk.
Thudawn danin Serchhip khawpui chhunga VC hrang hrangte chuan MGNREGS hnuaia hmalakna ah hian Department nen Convergence kaltlangin MGNREGS hnuaia Huan samfai leh hnathawh ngai te chu Huan neitute hnenah hian pawisa pein anmahni remchan dan angin Huan neitute hian hma an la mai \hin a. Tun \uma Serchhip-III VEC ten mipui inhlawhna an siam hi Convergence kalpui a nih hnuah a \umkhatna niin VC leh VEC ten \ha nia an hria a chhunzawm zel chi an tih chuan Lo neitute kuta sum dah lovin hetiang kalpui zel hi an la dawn a ni. Tun \uma hna an thawhna hi Lunglei mual-ah niin Tractor 2 leh Pik-up Tipper 3 an hmang a, a hmalama an kalpui dan aiin sum senso tamin hna erawh a \ha zawk tih VC te hnen a\angin thu kan dawng bawk.

Comments

Popular News (Last 30 Days)