Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Fisheries Minister in Ser-chhip-a DFDO Office a tlawh

Serchhip-a Independence Day hmanpui tura rawn kal Fisheries Minister, Vanlalawmpuii Chawngthu chuan niminpiah tlai khan Serchhip a DFDO Office thar chu tlawhin thawktute nen inkawmna an nei.
Fisheries Minister, Van-lalawmpuii Chawngthu hi Serchhip District Fisheries Development Officer (DFDO), Zonuntluangi leh a thawhpui ten lo dawngsawngin an Office thar ah hian inkawmna tawi an nei a. He hunah hian Serchhip DFDO chuan an hmalakna tlangpui tarlangin, an mamawh hrang hrang a thlen a, thawktute inhmelhriattirna hun hman a ni bawk.
Fisheries Minister, Vanlalawmpuii Chawngthu chuan Sangha tharchhuah tipung tura Serchhipa Fisheries Department thawktute hmalakna chu lawmawm a tih thu sawiin, tuna mahni building nghet an nei leh an luahlut thei pawh lawm-awm a tih thu a sawi a. Tunhnaia Mizoram a sangha khawi lama thawk \ha lawmman dawng tu, Hmangaihthanga, Zozam Veng chu a lawmpui thu leh chhuanawm a tih thu sawiin, heng mi hlawhtling te tiphur thei tura Department a thawktute chu \hahnem ngai zel turin a chah bawk a. DFDO in an mamawh a thlen te chu a theih anga ngaihtuah a nih tur thu a sawi bawk.
Fisheries Minister hian Serchhip DFDO Office tual ah hian thing\iak phun nghalin zanriah an kilho nghal a, Minister hi Fisheries Secretary, Thlamuana MCS chuan a \awiawm a, Ser-chhip Addl. DC, Chuauhnuna leh V. Zothan-sanga, District Sericulture Officer te pawhin an telpui a ni.

Comments

Popular News (Last 30 Days)