Thursday, 23 August 2018

YMA hi India rampum a tlawmngai pawl hrang hrang zingah a thawk \ha pawl a ni - Chief Minister

Serchhip Hmar Veng Branch YMA kum 50 tlin lawmna chu nimin khan neih a ni a, he hun hi bialtu MLA leh Chief Minister, Lal Thanhawla chuan khuallian nia hmanpuiin, YMA chu India rampum a tlawmngai pawl hrang hrang zingah pawh a thawk \ha pawl a nih thu a sawi.

Serchhip Hmar Veng Branch YMAkum 50 tlin lawmna nimin a Serchhip Hmar Veng Branch YMA Hall-a neih ah hian Chief Minister, Lal Thanhawla chuan Serchhip Hmar Veng Branch YMA in an din kum 50-na an hmang thei chu a lawmpui thu sawiin, YMA chu India rampum a tlawmngai pawl hrang hrang zingah pawh a thawk \ha pawl, Zo zemawi chhawmnun kawngah te, khawtlang nun siam\hatna leh hmasawnna kawnga mipui zirtirna ah te leh nungcha humhalh kawngah te hma an lak \hat thu sawiin, ram changkanna kawngah an thawh hlawk hle a ni, a ti.
Chief Minister chuan YMA chu sawrkar hmalakna hrang hrangah \awiawmtu \ha an nih thin thu sawiin, Ram in hma a sawn zel dawn chuan a chhunga chengte an \anrual a, dikna nen ke an pen ho a \ul a ni, a ti a. Mizoram phei chu ringtu ram a nih avangin khawvel sakhaw lian ber ber pathum ten an hual beh ram ni mahse ringtu kan nihna kan nunah kan lantir a, entawntlak leh fiah tlak a kan nun a pawimawh hle a ni, a ti a. Faina kawngah pawh hmalak zel na tur a awm thu sawiin Chief Minister chuan, khaw fai nih tuma \an kan lakna ah pawh a chhunga cheng te hian keimahni \heuh kan invawn thianghlim a \ul hmasa hle a ni, a ti bawk.
Ram hmasawnna tura sawrkar hmalakna, a bik takin \halaite tan khawvel thar siam tura zirna lamah te, infiamna khawvelah leh Skill Development leh thiamna sang zawk an neih theih nan a hmasawnna ruhrel din a nih dan te Chief Minister chuan sawiin, Mizoram Youth Commission (MYC) hnuaiah Civil Service Coaching pawh rampawn lama mithiam te nen thawhhona siam a nih thu te, eizawnna atana thiamna bik leh theihna tipung leh chher tura inzirtirna capacity building te, sipai a lut an tam theih nana sipai-a lut duh te tana Ccoaching Class hawn a nih thu te a sawi a. NEDP hnuaiah Entrepeneurship tihhmasawnna kalpui in, \halaiten an chhawr \angkai chhoh zel thu a sawi. Chief Minister Lal Thanhawla chuan mahni a rinawm leh taihmak bakah thuawih theihna neih pawimawh a tih thu pawh sawi bawkin, sawrkar hnathawk tan post duh bik a neih theih loh a, hmasawn tum a hnathawh ve duhte tan thawh hreh a neih theih loh a ni, tiin kalkhawmte chu taihmakna leh rinawmna chhawm nung zel tura sawm in, chu chu kan ram leh hnam kan humhalh theihna kawng pawimawh tak a ni, a ti bawk.
Nimin a Serchhip Hmar Veng Branch YMA Golden Jubilee lawmna hi Branch YMA President, H. Lalbiakhlua chuan kaihruaiin Ser-chhip Sub-Hqrs. YMA President, R. Sanghming-thanga chuan he Jubilee puala Souviner buatsaih chu a tlangzarh a, Central YMA President, Vanlalruata leh hruaitu hlui, PC. Laltlansanga te pawhin thu an sawi bawk a ni.
Serchhip Hmar Veng Branch YMA hi rambuai khawkhawm hnu, Oct. 15, 1968 khan din a ni a, tun dinhmunah member mipa 367 leh hmeichhia 304, an vaiin 671 an awm mek a ni. He an Golden Jubilee pual hian veng chhunga kum 80 tling chinte hnenah thilpek hlan niin, mi 13 hnenah Jubilee pual thilpek hi hlan a ni bawk.
Serchhip Hmar Veng Branch YMA Golden Jubilee lawmna ah hian tunkar Thawh-\anni zan khan Sports Complex-ah Jubilee mei det neih a lo ni tawh a, nizan hmasa khan Hmar Veng YMA Hall-ah Jubilee Urlawk-na neiin hetah hian Report hrang hrang ngaihthlak a nih bakah Hruaitu hlui te hnenah chawimawina hlan a ni bawk a, Serchhip-VI VC te hnen a\angin thusawi ngaihthlak a ni bawk.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...