Wednesday, 1 August 2018

Mizoram pumah Draft Roll tarchhuah niin vote nei thei mi 759,431 an awm mek


Election Commission of India thupek anga Mizoram puma Electoral Roll Special Summary Revision neih tur atan nimin khan Mizoram District hrang hrangah Draft Roll tarchhuah a ni a. Mizoram pumah vote nei thei mi 759,431 an awm mek a ni.


Nimin a Electoral Roll thar tarchhuah tak a\anga a lan danin Mizoram pumah Assembly bial 40 awmin vote nei thei mipa 371,177 leh hmeichhia 388,245 awmin vote nei thei zawng zawng hi 759,431 an ni a, Draft Roll tarchhuah a\ang hian Hming thunluh, paih, vote neihna insawn leh sawisel duh nei te chuan Form hrang hrang heng Form 6,7,8,8(A) te hmangin bialtu BLO te hnenah August ni 21 thleng hian dilna a thehluh theih a, hemi bakah hian online nvsp.in ah dilna te hi a thehluh theih bawk a. Heng dilna hrang hrangte hi enfiah a nih hnuah siam\hat ngai te siam \ha lehin Electoral Roll thar chu thla thar September 27 khian tarchhuah a ni ang.
Nimin a District hrang hranga Draft Roll tarchhuah a\anga a lan danin Mamit District-a Assembly bial pathum (3) awmah Polling Station 38 awmin vote nei mi 64,165 an awm a. Heng mite hi mipa 32,615 leh Hmeichhia 31,550 an ni. Kolasib District-ah chuan Assembly Constituency 3 (pathum) awmin Polling Station 81 a awm a, District pumah Vote nei thei mipa 27,606 leh hmeichhia 28,789, an vaiin 56,395 an awm a, Constituency pathum a\ang hian Tripura Transit Camp hrang hranga awm mek Bru 1749 in vote an nei bawk.
Aizawl District-ah chuan Assembly Constituency 14 awmin Polling Station 328 a awm a, vote nei thei mipa 135,762 leh hmeichhia 149,529, an vaiin 285,291 an awm a. Champhai District-ah chuan Assembly bial 5 awmin District chhungah voters 84,912 a awm a. General Electors 84,395 awmin, heng zinga 41,859 chu mipa niin 42,536 chu hmeichhia an ni a, Service Voters 517 a awm bawk.
Lunglei District-ah chuan Assembly bial pasarih (7) awmin vote nei thei mipa 51,738 leh hmeichhia 52,038 an awm a. Lawngtlai District-ah chuan Assembly bial pathum (3) awmin Vote nei hmeichhia 39,297 leh mipa 39,090 awmin, an vaiin voter 78,387 an awm bawk. Siaha District-ah chuan Polling Station pahnih awmin Polling Station siam\hat dil mek nen Polling Station 79 awm tawh tura beisei a ni a, Siaha District pumah mipa voter 18,675 leh hmeichhe Voter 19,678, a vaiin Voters 38,353 an awm mek bawk.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...