Wednesday, 8 August 2018

Serchhip Kudam a\anga Ration buhfai pek a buk a tling tawklo tih hmuhchhuah a ni

Serchhip-a Supply Kudam a\anga Retailer te hnena Ration buhfai pekchhuah chu a buk a dik tawklo tih hmuhchhuah a ni.
Nimin khan Serchhip Sub-Hqrs. YMA Vigilance & Monitoring Committee hmalakna in Serchhip-a Legal Metrology Enforcement Staff te chuan Serchhip Kudam a\anga Retailer pakhat in Buhfai an lakchhuah chu Retailer (FPS) a lakluh anih hmain an buk \ha leh vek a, hetia buk \hatna a\anga a lan danin Serchhip Kudam a\anga Retailer ten Buhfai an lakchhuah hi a buk a dik tawklo tih hriatchhuah a ni. Mizoram-a Retailer ten Buhfai buk kim lova an pechhuak \hin chu Central YMA chuan ngaimawhin mipui ten an chanai Buhfai buk dik ngeia an lakchhuah theih nan hma an la a, he hmalakna bawhzui hian Serchhip-ah pawh Sub-Hqrs YMA hmalakna in Buhfai buk tlinga pechhuak turin Retailer te chu ngen an lo ni tawh a. Thla hmasa lama Retailer zinga Buhfai buk tling ngeia pechhuak \henkhat te chuan an Buhfai in a daihlo nasa tih sawiin chhungkaw tam takin Buhfai an changlo tih an sawi a, Buhfai an sem daihlohna hi Department lam a\anga pek an nih mai loh avangin Retailer 2 te chuan banna an thehlut tawh nghe nghe a. Heng mite bial chhunga mipuite Ration buhfai dawn tur chu Retailer pakhat hnenah lo lachhuak rih tura tih a ni.
Hetihlai hian Serchhip Sub-Hqrs. YMA chuan Kudam a\anga Buhfai an pekchhuah a dik em tih enfiah tumin thla hmasa lam a\ang khan Kudam in Buhfai an pekchhuah apiangin Duty tur intirin Kudam ah \hutchilh a ni a. Branch YMA te pawh Retailer ah an duty bawk a. Sub-Hqrs. YMA ngenna angin Serchhip DCSO chuan Kudam-ah tunthla a\ang khan buklung te zawk te pawh a hmantir bawk a. Hetiang anih mek lai hian nimin khan Serchhip Retailer-V in Buhfai a lakchhuah Truck trip khat chu Serchhip Sub-Hqr.s YMA te hian Kudam a\anga zuiin Retailer kawtah hriattir lawkna awm lovin buk \hat leh vek a ni a, Legal Metrology ten an bukna te uluk taka an check hnuah Buhfai te chu buk \hat niin buhfai bag 130 te chu a buara rihna te nena paih vekin Kg. 104.65 in a Kudam a\anga receipt lakchhuah nen a inmillo tih an hmuchhuak a. Serchhip Sub-Hqrs. YMA te chuan hetianga Department lamin thil an ti diklo nia a lan tak avang hian a \ul anga mipui ten Buhfai buk tling an hmuh theih nan hmalak zui zel an tum tih sawiin, SEC Meeting in hmalak dan tur chu an la rel tur thu an sawi bawk.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...