MZP hmalakna in Dan lova Mizoram-a luh tum ramdang mi 200 chuang manchhuah an ni tawh

Mizo Zirlai pawl (MZP) General Hqrs. chuan Mizoram sawrkar a mutthluk avangin MZP chuan tunhnai ah Mizoram-a ramdang mi (Foreigner) dan lova lut leh luh tum dapchhuah hna an thawk tih sawiin, mi 200 chuang manchhuah an nih tawh thu an sawi.

Nimin a thuchhuah an siamah MZP chuan Foreigner luhruk nasatna, Assam-in tunhnaiah National Register of Citizens (NRC) kalpuiin khua leh tui chhinchhiah hna an thawk a, NRC-a hming chuanglo te chu foreigner an nih avangin hmun hrang hrangah an tlanchhia ang tih ringin MZP chuan kumin kumtir-ah khan inven a \ul thu leh sawrkarin a tih tur a tih a \ul thu a lo auchhuahpui tawh tih an sawi a. Assam hian NRC-a hming langte hi July ni 31, 2018 khan puangin, hming lang ve lo mi nuai 40 velte chu an state-ah an lut ang tih hlauvin \henawm State-te chu an inveng nghal a. August ni 4, 2018 khan MZP chuan thuthar lakhawmtute kawmin inven a \ul thu leh August ni 15 thleng sawrkar ngaihchan a nih tur thu puangin, mahse sawrkar a mutthluk tlat avangin MZP chuan NRC-a hming langlo foreigner lakah kan ram leh hnam a him nan ke a pen ta tih an tarlang a. August ni 17 leh 18 khan Aizawl-ah hnamdang \henkhat enfiah an nih thu sawiin, mi tlemte in hnamdang hmuh remchan theih mai te an enfiah chungin foreigner panga (5) hmuh an ni tawh thu leh Vairengte-ah foreigner 16 hmuh an ni bawk tih an tarlang a ni.

MZP thuchhuah chuan hetianga hma an lak hnuah pawh Sawrkar a mutthluk zel tho avangin August ni 20, 2018 (Thawh\anni) zan a\angin hmun thum (3)-ah foreigner dapchhuah hna hi thawh leh a ni tih tarlangin, nimin (August ni 21, 2018) chawhnu dar 2:30 thleng khan NRC-a hming chuang lo, Mizorama luh tum foreigner hi Vairengte-ah 127, Saiphai-ah 64, Bairabi-ah 21 dapchhuakin kir tura ngen an ni tih an tarlang a. Mizorama dan lova 'Foreigner' luh tumte dan hna hi MZP Bairabi Sub-Headquarters te, Saiphai-a Hmar Students Association Unit leh MZP Sub Headquarters Vairengte te'n an thawk mek a, Aizawl a\angin MZP General Hqrs. hruaitu ten an \hutchilh tih an tarlang bawk.

MZP chuan an hmalakna hrang hrangte ngaihtuahin Mizoram chu ven angai takzet nia an hriat thu sawiin, sawrkarin ram ven hi \ul a ti lo a nih chuan Mizo \halai te'n theihtawp an chhuah a ngai ang tih chu an ngaihdan a nih thu an sawi a. Ramdang mi te pawh dik lo taka Mizorama luh tum lo tura ngenin, “Kan ram leh hnam hi ven a ngai a ni tih leh ram leh hnam humhalh nan theihtawp chhuah a ngai a ni tih hriaa insang mar turin MZP chuan Mizo mipui a ngen a, a \ul dan anga penchhuak turin Mizo \halaite a ngen bawk,” tiin an thuchhuah an chuan an tarlang a ni.