SDRA in lawmpuina hun hmang

/
Serchhip District Rifles Association (SDRA) chuan tunhnaia India hmarchhak huap Silai inkah-siakna neiha Gold Medal dawngtu, Saihmingthanga Sailo Serchhip Ramthlun Veng lawmpuina leh chawimawina hun Inrinni khan an batsaih.
Serchhip Shooting Gallery-a Saihmingthanga Sailo Medal lak chawimawina leh lawmpuina hun hi Serchhip District Sports Committee President, K. Tlangthanmawia chuan khuallian nia hmanpuiin Serchhip District Rifles Association ten hetianga Hmarchhak pum huap inelna a hlawh-tlinna an chang chu lawmawm a tih thu leh a lawmpui thu a sawi a. Infiammi tan discipline a pawimawh thu sawiin, hun vawndik chungchang ah te invawn a ngaih thu a sawi a. Eng pawl ah pawh hruaitu kan nih chuan kan pawl hruai chu kan dah pawimawh hmasak fo a \ul thu sawiin, Saihmingthanga Sailo hnenah hian SDSC hmingin lawmpuina Rs. 2000/- a hlan nghal bawk.
He hun hi Serchhip District Rifles Association Vice President, Lalbiakdika chuan kaihruaiin Lalthanpari, Member SDRA chuan lawmpuina leh chawimawina thuziak a hlan bawk a. Saihmingthanga Sailo chuan tun \uma Silai inkahsiak an neih dan tlangpui sawiin, District leh State Level-a intihsiakna an paltlang hnuah he intihsiakna ah hian an tel thu sawiin, tuna Gold Medal a lak avang hian India rampum huap intihsiakna ah a tel dawn thu a sawi bawk.
Serchhip Ramthlun Veng-a khawsa leh Serchhip District Rifles Association-a President ni bawk, Saihmingthanga Sailo hian Mizoram Rifle Association (MRA) buatsaih 2nd Zauva Memorial & 6th North East Zone Shooting Championship 2018 kar kalta Thawh\anni-a Aizawl Mualpui-a R.Dengthuama Multipurpose Hall-a zawhfel takah Gold Medal a la a, he Silai inkah-siakna ah hian Serchhip a\angin mi 2 kalin Saihmingthanga Sailo hian .22 Rifles Open Sight (50 meter Prone Position)-ah Gold Medal hi a dawng a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »