Latest News

Zoram natna tihdam kan tum - Dr. Thangtea

MNF Vice President, Dr. R. Lalthangliana chuan, "Zoram natna tihdam hi MNF-in kan tum a ni," a ti.
Nimin a Hnahthial Electric Veng YMA Hall-a MNF South Tuipui Block-I in Political Training an buatsaih a hmanpuina ah he thu hi sawiin Dr. R. Lalthangliana chuan MLPC Study Group-te chuan Zu zawrh a\anga Zu chhiah cheng 1 lutah cheng 2.85 zel hi zu in mite inenkawlna senso niin an sawi tih sawiin, "Socio-Economic Analysis-a alan danin, Zu zawrh hi nawhchizuar te chauhvin an hlawkpui tih a ni. MLPC Study Group-in nawhchizuar an thlanchhuah bik mi 25 an kawmte a\angin Zu zawrh hnuah anmahni dawrtu chu 61% in an pung tih hmuhchhuah a ni a, Zu zawrh chu HIV tipunluntu a lo tling ta! Study Group te zirchianna a\angin, Zu zawrh hnuah Aizawl a damdawi In 13-ah, damlo Zu in mite enkawlna sum senso hi cheng nuai 635.36 a ni a, Zu vangin kumtin mi 4080 zet chu damdawi In-a enkawl ngai an awm tih hmuhchhuah a ni. Congress sawrkar zu zawrh hian pa nei lo mi 2000-3000 zet a hnutchhiah tawh a, a rapthlak kan ti a, hei hi MNF chuan kan ngai thutak hle a, he Zoram natna tihdam hi MNF-in kan tum a ni," a ti.
Mi \henkhat ten ‘Congress leh MNF kum 10 an sawrkar tawh a, kan hriat tawh sa a ni,’ tia an sawi \hin chungchang pawh sawiin Dr. R. Lalthangliana chuan MNF sawrkar chhung kum 10-a an hnathawh erawh an hre duh ngailo niin a sawi a. MNF kum 10 sawrkarin hmasawnna hrang hrang khawiha Zoram hmel thar a lantir chu haider chi a ni lo nia sawiin, "MNF-in Durtlang kawng kan laih te, World Bank road kan laih te, College leh sikul tam tak kan upgrade te, sikul chawchhun kan pek leh zirlaibu a thlawna kan sem te, SSA leh Hindi zirtirtute ban lova kan chhawr zui zel te, IR battalion li (4) kan din te, Mizoram hmun hrang hranga building ropui leh \angkai tak tak kan sak avanga hmasawnna lo awmte hi an hre duh lo a ni," a ti bawk.

Comments

Popular News (Last 30 Days)