Latest News

Sector Officer leh Sector Police Officer te training

Kumin kumtawp lama Mizoram Assembly inthlanpui neih tur atana inruahmanna kal zelah nimin khan Serchhip District chhunga Sector Officer leh Sector Police Officer te tan an hnathawh dan tur zirhona neih a ni.
Serchhip District chhung Assembly Constituency pathum-a Sector Officer leh Sector Police Officer te tana Training Serchhip DC’s Conference Hall-a neih hi Ser-chhip District Election Officer, Sangchhin Chinzah chuan hmanpuiin India ram chu mipui ten an aiawha roreltu tur an thlanna ram a nih avangin heng inthlanpui a mawhphurhna nei te chuan an mawh-phurhna chu thil chakawm ni lo mah se lawm taka thawh a \ul thu a sawi a. Kumin a inthlanpui kan hmachhawn tur atan Sector hrang hranga Officer tura ruat te chuan an hnathawh tura ruahman te \ha taka an hlen theih nan hetianga training buatsaiha mithiam te zirtirna chu ngai pawi-mawha uluk tak leh hlim taka an thawh ngei a beiseiin a duhsak thu a sawi bawk.
Serchhip District chhungah hian Sector Officer mi 13 leh Sector Police Officer 10 awmin nimin a Training-ah hian Vanlalhmachhuana, BDO Serchhip chuan ‘Vulnerability Mapping’ tih hmangin zirtirna a pe a, Pinky Zosangpuii, SDO (Civil) Thenzawl chuan Model Code of Conducts chungchang zirtirin Lalvenhima, Election Officer chuan Vote thlakna khawl, EVM leh VVPAT chungchangah zirtirna a pe bawk.

Comments

Popular News (Last 30 Days)