Saturday, 25 August 2018

ZPM in Contractor phena biruk tihtawp tum

Zoram Peoples’ Movement (ZPM) Leader, K. Sapdanga chuan, “ZPM kan sawrkar chuan Contractor phena tu emaw biruk kuk \hin hi awih a ni tawh lo ang” a ti.
Zoram Peoples’ Movement chhung Inkhawm nimin a Aizawl-a an Office-a neih ah K. Sapdanga chuan Sawrkar kal tawh leh kan hrawn mekah hetiang tih ching hi an awm \hin nia sawiin, “Chung zingah chuan Legislator te, Minister-te pawh an tel. Hetiang tih ching, Contractor te lo 50:50 pui \hintu hi kan khap ang a, hna hi a letin a \ha ang,” a ti a. Corruption chungchangah, “Corruption do tihte chu corruption thei turin kan siam dawn lo, do tur a awm lo ang,” a ti bawk.
ZPM thil tum langsar zual tarlangin K. Sapdanga chuan, “ZPM sawrkar kumkhatna a\angin retheihna zualpui umbo kan tum. Chumi atan chuan kumkhuaa kan aupui thlai kan thar ang, chu chu kan hralh ang. Kum dangah pawh kan thar tawh \hin, a hralhna a awm lo a ni. Chumi atan chuan Hmunphiah leh Sawhthing-ah bul kan \an ang. Kum khatah chhungkaw khatin Sawh-thing |in khat hmun a neih chuan a lo berah cheng nuai 5, kum 5-ah cheng nuai 25 a thawkchhuak thei,” a ti a. “Hnathawh tur a awm chuan \hang-tharte hi kan thatchhe lo, zirlaite pawh an taima. He hnam hi hnam taima a ni tih puanchhuah kan tum a ni,” a ti bawk.
Kumin inthlanpui kan hmachhawn mekah party mal sawrkar chak tak a din ngei duhna mipui thinlungah a lang \an tih pawh sawiin K. Sapdanga chuan, “Politics thlifim tlehna lam a lang mek, vanneihthlak takin chu thlifim chu a dawngtu kan ni tih kan inhriat ang tho in neutral-ten min hmuh dan a ni. ZPM chu Party dangte beih rawn kan ni a, neutral-te beisei rawn kan ni mek bawk,” a ti a. “Sawrkar kal tawh hna-thawh inchhunzawm sak duh loh hi ZPM sawrkar hunah chuan chhunzawm tlak chu chhun-zawm a ni ang,” a ti bawk.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...