Vawiin ah India Independence Day hman a ni dawn

Vawiin a ram zalenna ni champhaphak lo thleng tur lawm turin Serchhip-ah inbuatsaihna peihfel a ni.

India in British awpna lak ata zalenna a hmuhna Ni champhaphak, India Independence Day chu Vawiin, August 15, 2018 hian rampum ah urhsun taka hman a ni dawn a, he Ni lo thleng tur atan hian rampumah inbuatsaihna peihfel a ni tawh a ni. Serchhip-ah pawh ram zalenna ni champha lawmna tur atan hian inbuat-saihna peihfel ni tawhin Zing Ni chhuah rualin Sawrkar Building leh mimal In ah te Hnam Puanzar zar a ni anga, JN Hospital, Unity Orphanage Home, Zoar Deprived Children Home, Old Age Home, Adult Rehabilitation Centre, District Jail leh Mercy Hospital-ah thilpek hlan a ni ang.

Hemi hnu chawhma dar 11:00-ah Ser-chhip District-a Independence Day lawmna pui ber chu DC's Playground, Khawtetlang-ah hman a ni dawn a, he hunah hian Fisheries Minister, Vanlalawmpuii Chawngthu chu khuallian niin Hnam puanzar a pawtparh anga, mipuite hnenah thuchah a sawi bawk anga, Parade hmuhnawm tak en tur a awm dawn bakah Independence Day Football Tournament 1st Division Final khelh a ni anga, sawm bikte tan DC Bungalow, Khawte-tlang ah 'VIP at Home'buatsaih a ni bawk ang.