Thursday, 9 August 2018

Zirna sang ngaihthah ah puh

Mizo National Youth Front (MNYF) Hqrs. chuan Congress kaihhruai Mizoram sawrkarin zirna sang zawka zirna a ngaihthah hlea an hriat thu an sawi.
Nimin khan Mizo National Youth Front (MNYF) Hqrs. hruaitute hian an Vice President, Lalremruata Chhangte hovin Aizawl Press Club-ah thuthar thehdarhtute an kawm a. He hunah hian MNYF Vice President chuan tunah hian Higher & Technical Education Department hnuaia sawrkar College 26 zinga Govt. T. Romana College leh Govt. Kamalanagar College tih loh College dang zawngah zirtirtu (Asst. Professor) post awmsa (sanctioned post) a ruak hnawhkhah loh hi 151 lai a awm mek tih an sawi a. College zirtirtu indaihloh avangin zirlai leh zirtirtute'n harsatna an tawk nasa nia sawiin, College tam tak chuan an College sumin zirtirtu an ruai hial tih an sawi a. He harsatna sukiang turin College zirirtu (Asst. Professor) la thuai turin MNF |halaite chuan sawrkar an phut tih an sawi bawk.
MNF |halaite chuan kan sawrkar hrawn mekin zirna a kalpui dan chu mak an tih thu pawh sawiin, Education Reforms Commission (ERC) report tihhlawhtlin tawh leh hmalak mekna pawh sawrkar chuan mipuite hriatah a puang chhuak ngam lo mai ni lovin, Expert Committee Member-te pawh an hmalakna a hrilh ngam lo nia an hriat thu an sawi a. “Kum 10 dawn Mizoram mipui leh zirna veitute'n swrkarin ERC report a bawhzui dan an thlir reng a, tihhlawhtlin a mual mual awm ve bawk mah se tun thlengin an report tihhlawhtling tura awmze neia hmalakna a la awm mumal thei tak tak lova, chuvangin hmai phihfai nan chauh Commission hi an din ni ah MNF |halaite chuan kan ngai a ni,” an ti a. “Mizo-ram sawrkarin World Class Education min tiam a, mahse, min tiam anga an kal avang hian World Class Education nêp ber min thlenpui dawn ta,” an ti bawk.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018