Ramri chungchanga hma la turin sawrkar phut

MNF |halai President, Er. Lalrinawma MLA chuan Ramri venhimna kawngah leh ILP chungchangah chak zawka hma la turin sawrkar an phut thu a sawi.

Nimin a Aizawl Press Club-a thuthar thehdarhtute a kawmna ah MNF |halai President, Er. Lalrinawma chuan July ni 30, 2018-a Assam National Register of Citizens (NRC) Draft Final List tihchhuah a nih rual khan state \henawmte chu an inralring nghal hle tih sawiin, hetianga hma an lak laia Mizoram sawrkar hmalakna hriat tur a awm mumallo chu pawi an tih thu a sawi a. Kar hmasa Thawh\anni a\anga MZP te Check Gate pathum-a an duty leh kar khat chhung leka Assam NRC list-a tel lo Mizoram loluh tum mi 400 chuang an manchhuak te chu lawmawm an tih thu sawiin, heng duty te hi niminpiah khan tlawhin a \ul apianga an hman atan \anpuina an hlan thu a sawi a. Vairengte Police Check Gate-ah an tlawh lai hian Assam NRC list-a chuang lo mi 26 thawnhaw an awm tih pawh sawiin, ILP pekchhuahna hmun hi hmun khatah chauh a awm avangin Check Gate-ah hian darkar khat chuang te khualzin lirthei an ding tih pawh sawiin, sawrkar in Vairengte-ah hian Check Post dang a rang thei ang berin siam se an duh thu a sawi bawk.

MNF |halai President chuan kan rama foreigner-te an duh duha an lo luh loh nan sawrkar hian State Level leh District Level emaw, Village Level emaw Committee din se, chutah chuan NGO hrang hrangte thawhpuiin, District/Village Level Committee-te’n anmahni area/veng/khua \heuh ah hnamdang mi lut tharte dapchhuah hna thawk se. Chung Committee-te chu ILP thi tawh renew lo te, dân dik lova ILP pek chhuah te, NRC list-a chuang lo ILP nei te dapchhuah hna thawk thei turin sawrkarin thuneihna pe se an duh thu a sawi bawk.