Zirtirtu sem ngamloh dem

Mizo Zirlai Pawl (MZP) chuan School Education Minister-in thingtlang School, zirtirtu nei tlem te tana khawpuia zirtirtu \hahnem tak a sem-rual ngam lo chu pawi an tih thu an sawi.

Hemi chungchangah hian nimin khan thuchhuah siamin MZP chuan Mizoram sawrkar enkawl zirna In hrang hrang, Primary a\anga Higher Secondary School-a zirtirtu inkhairuallo lutuk chu \ha lo an tih avangin an pawl rorelna sang, Assembly-in a lo rel tawh angin hmalak a ni, an ti a. School Education Minister leh official-te nen vawi 3 sawiho a ni tawh a, School Education Minister, H. Rohluna hian MZP te hnenah chuan Aizawl-ah hian zirtirtu chu tlem chuan an tam deuh tih an hriat thu hrilhin, khawpui a\anga thingtlang lama zirtirtu sawn chhuah chu inthlanpui a hnaih tawh avangin an ngam rih lo tih a hrilh thu leh MZP chu lo hrethiam mai tura ngenin, tuna zirtirtu lak thar tur result nghah mek Primary School Teacher 100 leh Middle School Teacher 60 te result a chhuah hunah an vaiin thingtlang lam zirtirtu indaihlohna hmunah an dah vek ang tih MZP hruaitute a hrilh a ni, an ti bawk.

School Education Minister, H. Rohluna chhan dan hi MZP chuan mak an tih thu sawiin, Minister berin thingtlang lam zirtirtu nei tlem School-a khawpui lam zirtirtu \hahnem tak a semrual ngam lo chu pawi an tih thu sawiin, sawrkar thuneitute’n thingtlang lama zirlaite ngaihsak ve se an duh thu an sawi a. Mizoram sawrkar enkawl zirna in hrang hrang (Primary a\anga Higher Secondary School)-a zirtirtu inkhairual lo lutuk chuan zirna dinhmun a chhiat phah nia an hriat thu MZP hian an sawi bawk.

MZP chuan RTI hmanga sawrkar-a an zawhna chhanna a\anga a lan danin Zirtirtu atana lak zingah mi 158, Zirtirtu pangngai 109, SSA Teacher 45 leh RMSA Teacher 4 te chu Office-ah chhawr an nih thu an sawi bawk.