PRISM Party in Land Reforms kalpui dawn

PRISM party President, Vanlalruata chuan PRISM Party in sawrkarna an siam a nih chuan Land Reform an kalpui dawn thu a sawi.

Nimin a Aizawl-a PRISM Party in Street Campaign an neih chhunzawm ah PRISM Party President, Vanlalruata chuan ram \halai ram zau pui pui, tuten emaw an neih si, hman \angkai loha awm leh Chhiah pawh chawi mumal lohna te chu hman \angkai ni se kan economy in nasa takin hma a sawn dawn tih sawiin, "Land reform khawng tak kalpuiin hmang \angkai lo leh Chhiah pawh chawi mumal lova ram zau pui pui neite chhuhsakin a mamawhtu hnenah kan hlan dawn," a ti a. PRISM Party in ram neih dan mumal lo leh inkhairuallo lutuk \ha an tih loh thu te, hetiang hi helna tam ber lo chhuahna bul anih thu te leh PRISM Party in siam\hat a tum dante a sawi bawk.

Ram leh hnam tan huaisen takin hma an la dawn tih pawh sawiin PRISM Party President, Vanlalruata chuan, "Hetianga enkawl loh leh Chhiah pawh chawi mumal lohna ram te hi kan chhuhsak ang a, a hmang \angkai thei tur, a mamawh tu hnenah kan hlan dawn a ni," tiin khauh taka land reform kalpui a nih dan tur a sawi a. "Ram neilo te ram kan pe dawn a, Inhmun neilo te Inhmun kan pe dawn a, In neilo te In kan sak sak dawn a ni," a ti bawk.