PRISM Party in kawngpui \ha neih an tiam

PRISM President, Vanlalruata chuan PRISM an sawrkar chuan kalphung thlakin kawngpui \ha kan nei ngei dawn tih a sawi.

PRIMS Party in nimin-a Aizawl khawpui chhung hmun hrang hranga Street Campaign an buatsaih ah PRISM President, Vanlalruata chuan PRISM Party in kawngpui \ha a tiam thu sawiin, "Road Maintenance kan outsource ang a, neitu thinlung pua khawtlang leh a hmangtu ten an enkawl tawh dawn avangin kan kawngpui te hi a \ha tawh dawn a ni," a ti.

PRISM President chuan, "Kawngpui \ha tello chuan hma sawn theih a ni lo a, kawngpui \hat leh\hat loh hi hmasawn leh hmasawn loh tehna tling a ni. Kan kawngpui a chhe tial tial a, hman lawka darkar 5 chhunga kan tlan thlen theih kha tunah chuan datkar 8 te tlan a ngai ta a. Hma sawn lovin kan hnungtawlh tihna a ni," a ti. Kawng \ha neih chu ram hmasawn nana pawimawh anih avangin kawngpui \ha nei tura PRISM in hma a lak dan tur sawiin, neitu thinlung pu lo, eiruk hmang ten an enkawl avang zawka kawng hi chhia anih thu a sawi. Neitu thinlung pu khawtlang leh khaw miten kawngpui an enkawl chuan kawng a \hat ngei tur thu a sawiin, "Kalphung thlakin kawngpui \ha kan nei ngei dawn a ni," a ti bawk.