Tuesday, 7 August 2018

Kumin chhungin Eng pek hman vek tum a ni

Sawrkar laipui ruahmanna anga kumin December ni 31 hmaa Mizorama chhungkaw tin hnena Eng pek hman tuma hmalak mek niin Power and Electricity Department hotuten an sawi.
P&E Department hotute chuan he ruahmanna, Pradhan Mantri Sahaj Bijli Har Ghar Yojona (Saubhagya) hnuaiah hian nakum March ni 31 ralhmain rampuma chhungtin te hnenah kawlphe-tha pek vek tum niin an sawi a, he hmalakna atan hian State sawrkar tinte chu an State chhunga Eng la hmulo zat a\anga teha sum pek niin, chung pawisa a\anga zaa 85 chu Grand-in-Aid anga dawn a ni a, a bak zaa 10 chu State Sawrkar tum ve tur a ni a, a bak zaa 5 chu Loan anga kal tur a ni. Hetihlai hian Sawrkar laipui hun ruat nakum March ni 31 thlen hma, kumin December ni 31-a he ruahmanna tihhlawhtlingte chu Loan-a kal tur zaa 5 chu Grand-in-Aid anga chhiar sak theih an ni a, chu chu dawn a nih theih nan Mizorama chhung tinte chu kumin December ni 31 ralhmaa kawlphetha pe vek hman tura chak taka hmalak a ni tih P&E Department hotute chuan an sawi a ni.
P&E Department hotute chuan nikum kumtawp lama zirchianna an neih a\angin Mizorama chhungkaw 13,854 velin kawlphetha an la dawng lova, hemi zulzui hian Saubhagya hnuaia hmalakna turah pawh DPR siam a ni a, hetihrual hian he ruahmanna hi rampumah a ruala kalpui a nih avangin duh anga hmalak chak a harsa niin an sawi bawk.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018