Tuesday, 21 August 2018

MNF in Khawzawl District tih hlawhtlin tiam

MNF Sr. Vice President, Tawnluia chuan MNF in sawrkar-na an siam a nih chuan MNF sawrkar-in District a lo pek tawh Khawzawl District hi kan tihlawhtling nghal dawn a ni, a ti.
MNF Sr. Vice President, Tawnluia hian nimin khan Khawzawl khua lutin mipui \hahnem takin an lo hmuak a, Dinthar Veng-a an chenna In kawta amah lo hmuaktute hmaah thusawiin Tawnluia chuan, "MNF-in sawrkarna kan siam a nih chuan Congress-in an tihhlawhtlin duh loh MNF sawrkar-in District a lo pek tawh Khaw-zawl District hi kan tihlawhtling nghal dawn a ni," a ti a. Khawzawl-a Mualvawm Field chu phullem phah a nih tur thu a sawi bawk.
MNF Sr Vice President chuan, Khaw-zawl mipuiin ropui taka an lo hmuak chu lawmawm a tih thu a sawi a, "MNF Nomination Committee-in thlutlukna siamin Tuichang biala ding a, tun a\anga vil \an tura tih ka ni a. Tling lo leh fel lo ber ni mah ila Tuichang bial mipuite rawng-bawl tura tih ka ni hi ka lawm a ni," a ti. Tawnluia chuan, "Pathian in kan mamawh a hria a, Tuichang bial mamawh a hria a, Zoram mamawh a hria a ni. Lalpa \anpuina dil chhungin Tuichang mipuite \awiawmna ka ngen a ni," a ti bawk.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...