Congress zawm thar lawmlut

Chief Minister, Lal Thanhawla chuan nimin khan Thenzawl-ah an party zawm thar voters 155 lawmlutin, NLUP chu Court a khingtu awm mah se, NLUP guideline fel a awm a, Gazette a ni ang a, \ha taka semzui leh a ni dawn, a ti.
Nimin tlai-a Thenzawl Joint YMA Hall-a mithar lawm-luhna inkhawm buatsaih ah MPCC President, bialtu MLA leh Chief Minister ni bawk, Lal Thanhawla chuan Tuirial Hydel Project leh Falkawn Referral Hospital-ah MNF in kuhmum an nei lova, parna tur an nei lo a ni tiin, Falkawn Damdawi In phei chu Ar In leh Vawk In-ah an chhuah zawk a ni, a ti a. NLUP an sem loh thu pawh sawiin, NLUP a\anga \anpuina an pek \hin thu a sawi a. NLUP chu mamawhtu an awm chhung chu kalpui zel an tum thu a sawi bawk.
Serchhip West Block Congress President, V. Lalremruata kaihhruai he hunah hian MPCC Communication Chairman, PC. Laltlan-sanga pawhin thu sawiin, a dinhmun a\angin Congress-ah mithar an awm loh thu leh a taima apiang dinchanna a nih thu a sawi a. MNF policy SEDP ruahman \antirh-a a tel thu leh he Policy a sum sem zat tur leh a lokalna tur a chian loh thu a sawi bawk. He huna Congress zawm thar an lawmluh te hi MNF a\angin chhungkaw 35-a voters 82, ZNP-a chhungkaw 12 a\angin voters 30, BJP-a chhungkaw 4 a\angin voters 11 leh Neutral a\angin chhungkaw 13-a voters 32 an ni.

Popular posts from this blog

PAN CARD an tih teh fo hi - Laldinpuia