Right to Public Services Act, 2015 campaign \an

Mizoram sawrkar hnuaia mipuite hnena service sawrkarin a pek \hin hunbi neia pekchhuah ngei ngeina dan, Mizoram Right to Public Services Act, 2015 Awareness Campaign hawnna chu nimin khan neih a ni.

ATI Auditorium, Aizawl-a he Campaign hawnna hunah hian khuallian, H&FW Commissioner & Secretary, Lalrinliana Fanai chuan December ni 1, 2015 khan Mizoram Right to Public Services Act, 2015 hi hman \an a nih thu sawiin, he Dan hian a tum ber chu sawrkar in service a pekchhuah theihte hunbi tiam chhunga a diltu hnena pek a ni, a ti a. Tun dinhmunah hian department paruk (6) hnuaiah service 46 awmin sawrkar chuan service dahbelh zel a tum thu pawh sawiin, “Mipuite hnena service pekchhuah \ullova tihkhawtlai awm \hin venna dan a ni,” tiin mipuite mamawh ngaihtuah zung zung sawrkar kan neih theih nana ruahman a ni, a ti bawk a. India ramah hetiang dan hi state hrang hrang 18 ah hman mek a nih thu pawh khuallian hian sawiin, Hmangtu mipuiten an hman \angkai ang zelin he dan hi a hlu zual dawn a ni, a ti bawk.

Mizoram Right to Public Services Act, 2015 hian sawrkar department hrang hrang Food, Civil Supplies & Consumer Affairs, Rural Development Department, Taxation Department, Public Health Engineering Department (PHED), Social Welfare leh Finance Department te a huam a. Service 46 awmin service \henkhat chu Ration Card pekchhuah te, MGNREGA hnuaia Job Card sem chhuah te, Driving Licence siam te, Learner’s Licence pekchhuah te, Tui supply Connection te, Adoption Certificate siam te an ni a. Form hranpa a nei lova, Department ten dilna an pawm \hin pangngai ang tho a dil tur a ni.

Mizoram Right to Public Services Act, 2015 in a huam department tinah mawhphurtu tur Designated Officer ruat an ni a, thubuai awm palha lungawilohna thlenna tur, First Appellate Authority leh Second Appellate Authority ruat tel an ni. Designated Officer-te hian mipuite hnena sawrkar mawhphurhna (notified services) diltu hnenah huntiam chhunga a pek loh chuan First Appellate Authority-in nitin Rs. 250 a chawitirin, Rs. 5000 thleng chawitir theih an ni a. Designated Officer ten mipuite hnena sawrkar mawhphurhna a diltu hnena chhan leh vang mumal tak awm lovin a pechhuak lo a nih chuan Rs. 500 aia tlem lo, Rs. 5000 aia tam lo chawitir theih a ni. Service diltu dilna hi hnawlsak a nih chuan a dilna hnawl a\anga ni 30 ralhmain dilna siamtu in First Appellate Authority hnenah lungawilohna a thehlut thei a. First Appelate Authority thutlukna ah lungawilohna a awm a nih chuan Second Appellate Authority-ah First Appellate Authority thutlukna siam a\anga ni 30 ralhmain lungawilohna thlen theih a ni bawk.