Bru laklet hna thawhna tura inbuatsaihna hrang hrang kalpui dan thlirho a ni

Niminpiah khan Damcherra BDO Conference Hall, North Tripura-ah Mizoram sawrkar-a Home Department Principal Secretary, Lalnunmawia Chuaungo, IAS hovin Reang (Bru) laklet hna kalpuina tura inbuatsaihna hrang hrang thlir hovin meeting neih a ni.

He Meeting-ah hian Ministry of Home Affairs thu angin kan hma lawka Mizoram mi leh sa Tripura Transit Camp paruk (6)-a awmte laklet hna thawh tum anih thu tarlan a ni a, inbuatsaihna hrang hrang thlirho niin Relief Camp paruk a\anga Mizorama laklet dan turah Mizoram Sawrkarin Movement plan a siam angin ni 14th August - 30th September 2018, chhung hian Transit Camp paruk a Reang(Bru) awmte hi laklet hna thawh zawh hman tum a ni a. Hei bakah hian laklet hna hlawhtling taka kalpui a nih theih nan Tripura Sawrkar pawhin theihtawp a chhuah dawn thu tarlan niin Transportation kalpuina tur hian mihring phur tur Bus engemaw zat leh bungraw phur tur Pik-up Truck ruahman fel a nih tawh thu tarlan a ni bawk.

August ni 14 a\anga Repatriation kalpuina turah hian Transit Camp hrang hranga mipui aiawh leh MBDPF hruaitute meeting-a rawn telte chuan August ni 14 a \an tur chu harsatna hrang hrang avangin tihhlawhtlin theih a nih an rin loh thu sawiin, heng an harsatna hrang hrang te hi Repatriation kalpui anih hmaa tihhlawhtlinsak ni se an duh thu an sawi a. An harsatna hrang hrang tarlan zingah hian Repatriation Financial Assistance fixed deposit-a dah tum chu Ssaving Account pangngaiah dah ni se tih te, Reang(Bru) mi leh sa te chu an case hrang hrang neihte chu ngaidamna (amnesty) pek te, House Building Assistance Rs. 150,000/- (nuaikhat singa) instalment vawi 3 a pek tum chu vawi 2 ah tihsak te, Ration Card, Addhar Card-te siamsak vek bakah 2016-a Identification paltlanglo te tih \hat lehte, An awmna tur In, chhungkua-a hotu \heuh te'n laklet hna kalpui hmain an letna tur khua \heuhah lo han sa se tih te a ni a. Heng harsatna hrang hrangte hi mipuite'n tihhlawhtlin an phut avangin, sutkian sak an nih loh chuan August ni 14 a Repatriation kalpui tum chu a hlawhtlin an rin loh thu an sawi bawk.

Meeting-ah hian Nobojoy Relief Camp-a chengte chu Recognised Camp-a nih loh avangin mipuite chu Identified theih an ni lova, ham\hatna hrang hrangte pawh an dawn theih dawn loh thu tarlan a ni a. Chhungkaw hotute'n Mizorama an rawn let hma-a an awmna tur rawn sak lailawk an duh anih chuan heng thil pathum Accomodation, Security leh Transportation-te chu Mizoram Sawrkar chuan a ngaihtuahsak theih dawn loh thu tarlan a ni bawk.