Wednesday, 8 August 2018

National Handloom Day vawi 4-na lawm a ni

National Handloom Day vawi 4-na chu nimin khan Commerce and Industries Minister, H. Rohluna hovin Assembly Annexe Conference Hall, Aizawl-ah lawm a ni.
National Handloom Day lawmna hunah hian Commerce and Industries Minister, H. Rohluna chuan Mizoram in Handloom-ah nasa taka hma a sawn thu sawiin, Mizo hnam ro pawimawh kawr leh puan te chawi-larin state pawn lam, a bik takin hmarchhak state dangah Mizo mipuiin hriat kan hlawh phah hle tih a sawi a. Chutihrual chuan Chemical hmanga la siam chawp, Acrylic Yarn a\anga Natural Fibre-a inleh a \ul thu leh rawngah pawh Natural dye hman uar deuh deuh a \ul thu a sawi bawk.
Kan puantah te Mizoram chhung leh hmar-chhak state mai bakah ramchhung hmun dangte leh rampawn thlenga thawnchhuah tlaka buatsaih a \ul thu pawh sawiin Commerce and Industries Minister chuan ram changkang zawk te duh-zawng leh mamawh ang ngaihtuah chunga design mawi leh quality \haa kan siam chhuah deuh deuh a \ul thu a sawi bawk.
He huna tarlan a nih danin Mizoram sawrkar chuan Commerce and Industries Department hmalakna in Handloom Research and Promotion Council a din thar a. He Council-ah hian department a thawktute bakah designer te leh tawnhriat nei \ha te an tel a, hmalak chhoh mek a ni. Commerce and Industries Department hian North East Textile Promotion Scheme hnuaiah hma la in he scheme hi Cluster 17 ah kalpui a ni a. National Handloom Development Programme hnuaiah Block 7 tuam mek niin Block thar pahnih pek belh an ni bawk a. Weaving Centre pathum ah hmanraw \ha zawk an neih theih nan ADB sum hmanga ruahmanna siam a nih bakah Then-zawl-ah Handloom Export Facilitation Hub siam \an niin State pum huap inelna, State Award for Handloom Weavers and Crafts Persons buatsaih tum a ni bawk. 

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018