Monday, 20 August 2018

Serchhip-III hmalakna a lawmawm

Serchhip-III hmalakna a lawmawm

Serchhip-III Village Council-a VEC te chuan MGNREGS hnuaia mipuite inhlawhna siam \hin ah kar kalta khan a vawikhatna ni turin Convergence hnuaiah mipuite tan inhlawhna an siam a. Hei hi thil kalphung pangngai ni reng angin lang mah se Serchhip-ah hian diklo taka MGNREGS hi kalpui niin mipuite hian hna hi an thawk ngai meuhlo a, Convergence hnuaia hnathawhna tur Huan neitute hnenah sum tlem tlem semin, mipui te chuan hna pawh thawk chuang lovin an hlawh tur a\angin sum an thawhkhawm a, heng te hi VEC/VC te chuan khawtlang hmasawnna hnathawhna atan te an hmang zui ve leh \hin a ni.
Amaherawh chu hetianga diklo taka MGNREGS kan kalpui hi mipuite duhthlanna vang leh thawk lem lova hlawh lak kan pawi tih loh vang ni berin a lang a. Gram Sabha ah te kan khawtlang hruaitu ten nikhat a Rs. 200 pawh tlinglo hlawha nitin darkar 9 thawk tura inhlawh nge, thawk lem lovin kan hlawh tur a\anga sum cut kan duh min thlan tir \hin a, patling tan nikhata darkar 9 thawk chunga Rs. 200/- pawh tlinglo hlawh ai chuan thawk lova hlawh lak hi kan thlang ta zawk \hin niin a lang.
Hetianga a khaw pum kan kal laia Serchhip-III VEC/VC ten mipuite inhlawhna kalphung thlaka hna an thawh tir ta hi lawm-awm hle mai a, tunhma lama kan sawi \hin angin ‘Mahni huan-ah an inhlawh’ ta hial a. Hetianga mipui inhlawhna ah hian sum sen chu tam zawk deuh mah se hna a \ha zawk tih an sawi phei hi chu thil lawmawm lehzual niin Mizoram chhung khaw \henkhat a Convergence hnuaia hlawhtlinna kan hmuh \hin ang hi kan hmu ve thuaiin a rinawm a. Chu ai maha pawimawh, mipui rilru siam dik lehna hmanraw \ha tak a ni dawn niin a lang.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...