Latest News

MNF sawrkar hunah Mizoram leh hnam himna ngaih pawimawh a ni ang - Dr. R. Lalthangliana

MNF Vice President, Dr. R. Lalthangliana chuan Congress sawrkar in ram himna a ngai pawimawhlo nia sawiin, “MNF sawrkar hunah Mizoram leh hnam himna ngaih pawimawh a ni ang,” a ti.
MNF Champhai North Block I & II huaihawt Champhai, Kahrawt Community Hall-ah MNF SEDP Training leh Political Session nimin a neih a hmanpuina ah he thu hi sawiin Dr. R. Lalthangliana chuan, "Assam sawrkar chuan July ni 31, 2018 a\ang khan National Register of Citizens (NRC) hming vuahin List a tichhuak a, an khua leh tui dik takte chhinchhiah hna an thawk a ni. Kum 1971-a Assam-a cheng tawhte chauh khua leh tuiah an chhiar a. A ruka foreigner-te luhruk nasatna Assam-ah hian NRC-ah mi nuai 40 chuang an lang lo. Assam State \henawm ram dangte chuan chungte chu an ramah an lut ang tih hlauvin sawrkarin nasa takin a veng nghal," a ti.
Dr. R. Lalthangliana chuan Mizoram Congress sawrkar erawh a ngawi reng thung nia sawiin, "NRC chungchangah hian Mizoram Congress sawrkar chuan hma a la ve lawk lova, MZP-te chet chhuah hnuah thawm a nei ve chauh a. Pu Hawla sawrkar hian Mizoram leh a mi chengte a ngai pawimawh lo lutuk hi MNF chuan pawi kan ti hle a. Sawrkar hian a hmingin Police-te dah belhna Order chhuah mah se Kolasib District-ah IR tlemte an dahbelh bak thawn belh an nei lo a, Police duty-te chuan NRC-a chuanglo man an la nei lo bawk," a ti a. MZP-te chuan kumtir a\ang khan lo inveng lawk turin sawrkar an ngen tawh tih pawh sawiin, "NRC List tarchhuah anih hnuah an ngen nawn leh a, sawrkar chuan hma a la mai lo. Ram venhimna ngaih pawimawh chungchang ah sawrkar a muthlu rei lutuk hi kan dem hle a, ram leh hnam himna an ngaihthah lutuk avang hian an sawrkar leh chuan Mizoram tan a pawi hle dawn a, thuneihna pek leh ngam chi an ni tawh lo. A ram neitu MNF sawrkar hunah Mizoram leh hnam himna ngaih pawimawh a ni ang," a ti bawk.
MNF Vice President chuan MNF SEDP chungchang sawiin, "|henkhatin SEDP hi NLUP anga sem policy bawk nia an sawi hi an hriat chian loh vang a ni a. NLUP chu dinkhaw chhuahpuina tham ni lo, chhangkhat takin an sem zeuh zeuh a, a dawngtute tan chhawr \angkai theih a ni lo. MNF SEDP erawh chu khawvela kan damchhunga kan mamawh zawng zawng kan neih theihna tura duan a ni a, a dawngtuten an din khawchhuahpui ngei theihna tur a siam a ni. A dawngtu turte hnathawh bul\anna tur te, an thawh laia an mamawh tinreng phuhrukna tur te, a puitlin ngei theihna tur leh market thlenga duan fel sa vek a ni a. Heng atan hian sum tam tak kan mamawh dawn a, heng sum lokalna turte hi kan hre sa vek a, kan duang fel vek tawh. Kut hnathawktu te, lehkhathiam leh thiamlote pawh an din khawchhuah theihna tur kan ruahman fel sa vek a ni" a ti bawk.

Comments

Popular News (Last 30 Days)