Wednesday, 29 August 2018

Mit petute chawimawi

Rampuma Eye Donation Fortnight vawi 33-na hman pualin Serchhip District chhung midang tana Mit petu (Eye Donors) mi 3 te hnenah nimin khan Certificate hlan a ni.
Serchhip District-a midang tana Mit petute chawimawina puala inkhawm Serchhip CMO Conference Hall-a neih hi Serchhip CMO, Dr. Laldawngliana Sailo chuan kaihruaiin an thih hnuah midangte tana Mit petu - Vanlalfela (27), Sailulak, Joseph Malsawmhlua (4) Then-zawl leh Lalnipuii (64) te hnenah chawimawina hi hlan a ni a, District Medical Superintendent, Dr. ZD. Lalmuanawma hnen a\angin Mit pek (Eye Donation) chungchanga hriattur pawimawh hrang hrang ngaihthlak a nih bakah zawhna leh chhanna hun hman a ni bawk a, Serchhip Vengchung MUP Unit leh MHIP Branch-a Member te an tel a ni.
33rd Eye Donation Fortnight hi August 25, 2018 a\anga September 8, 2018 chhungin hman a ni dawn a, hemi chhung hian Serchhip District chhunga Eye Donation Pledge (Mit Donate duh tan) chhang duh tan chhan theih a ni ang.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...