Auditorium chhaklam a min

Pathianni zanrei lamah khan Serchhip Field Veng-a Auditorium sir chhaklam chu minin Auditorium hungna bang pawh engemaw zat a tichhia a, mihring thi leh hliam erawh an awm hriat a ni lo

. Pathianni zan-a ruah nasa tak surah khan Serchhip Field Veng, Auditorium ko chhaklam, JM H/S hnuailam chu nasa takin a min a, helai hmunah hian Auditorium sak lai khan Retaining Wall \ha tak siam mah se Retaining Wall hian dawl zo lovin a min a, he leimin hi ft. 50 vel zeta thui niin mihring thi leh hliam an awm hriat a ni lo a, kawngpui erawh a hnawhping hneh hle a, lirthei eng chi mah kaltlang theih ni lovin mihring erawh ke in an kal kai thei hram hram thung a ni.

Helai hmun hi a min zel lohna turin nimin khan Field Veng Branch YMA te chuan Silpauline hmangin an khuh nghal a, District thuneitute pawhin a rang lama hmalak tur a nih thu sawiin, he thu buatsaih lai thleng hi chuan leimin thenfai hna erawh thawh ala ni lo thung.

Hetihlai hian Serchhip Field Veng khawtlang hruaitute chuan kumin Fur \antir lama ruah sur nasa avang khan Serchhip Auditorium kawt, khawchhak lam zau tak chu leikhi in a tibuai tih an sawi a, he laikhi hian Auditorium huam-chhung hmun thum a \hena hmun khat vel zet huamin a kawt lungrem vel pawh a khi nual a, Vawiin lam khan he leikhi hmun hi enfiah lehin tunhnaia ruahsur nasa avanga khi thar emaw, lei che dang emaw a awm an hriatloh thu an sawi a. A thlanglam-a cheng chhungkaw \henkhat te erawh chuan leikhi thar hmuh tur a awm thu an sawi thung.