Mizoram State Commission for Protection of Child Rights Office thar Aizawl-ah hawn a ni

Mizoram State Commission for Protection of Child Rights (MSCPCR) Office chu nimin khan Social Welfare Minister, PC. Lalthanliana chuan Dawrpui Vengthar-ah a hawng a. He hun hi National Commission for Protection of Child Rights Chairperson, Pi Stuti Kacker pawhin Khual Zahawm niin a hmanpui bawk.

Mizoram State Commission for Protection of Child Rights (MSCPCR) Office hawnna hunah hian Social Welfare Minister, PC. Lalthanliana chuan Social Welfare Department chu Department pawimawh leh mawhphurhna ngah em em a ni a, Cabinet hnuhnung berin Women and Child Welfare Department hran din a phalsak angin Directorate hranga awm turin hma lak mek a ni, a ti. Minister chuan sawrkar laipui Ministry of Tribal Affairs chuan Mizoram-a Tribal Research Institute dinna tur cheng vbc. 20.18 a pawmsak tawh a, tunah hian cheng vbc. 4 sanction a ni tawh tih sawiin, Museum changtlung tak sakna tur pawh Tribal Affairs vek hian a thu in a pawmpui tawh a; Eklavya Model Residential School chu Ngopa, Tuipang, Chawngte leh Lawngtlai-ah sak mek a nih thu a sawi bawk.
PC. Lalthanliana chuan ram danpuiin naupang zawng zawngte tan dikna chanvo bulthum Fundumental Rights a pek thu sawiin, state sawrkar te pawh naupangte chawikanna tura hma la tura tih niin chumi vil zui turin Commission thar hi din a ni, a ti a. India ram chu Rights of Child pawmtu ram zingah a tel avangin naupangte dikna leh chanvo humhalh kawnga hmalakna peng tam tak zingah ‘The Commision for Protection of Child Rights Act, 2005’ siam a ni a, he dan hnuaiah hian National Commission for Protection of Child Rights din niin chutiang zelin state ah pawh MSCPCR hi din a ni, a ti a. Mizoram mipui nawlpuiin naupang enkawl kawngah hma kan sawn viau laiin naupang pawikhawihtute laka mipui nawlpui rilru puthmang siam\hat a la ngai nasa hle tih sawiin, Naupang kum 18 la tlinglo te hian pawi an khawih a nih pawhin ‘Hrem tur an ni lova, siam \hat tum zawk tur an ni’ tih hi khawvelin a pawm dan a nih thu a sawi bawk.
He hun hi National Commission for Protection of Child Rights Chairperson, Pi Stuti Kacker pawhin hamnpuiin MSCPCR din thar tak chu duhsakna hlanin Mizoram chu naupangte dikna leh chanvo humhalhna kawngah hmahruaitu an nih ngei a beisei a. Pawikhawihna leh mi dang te ngaihtheihlohna hluar zelna khawvelah hian naupangte chunga hleilenna a nasa telh telh a. Naupangte laka pawikhawihna hian taksa natna piah lamah rilru leh ngaihtuahna a khawih pawi nasa em em a, heng laka naupangte venhim hi kan mawhphurhna a ni, a ti bawk. 
MSCPCR hian sawrkarin dan a siam te, policy leh programme a duante bakah sawrkar inrelbawlna kalphung reng reng naupangte dikna leh chanvo humhalhna nen a inmil em tih a vil reng dawn a. Naupangte dikna leh chanvo hum-halhna dan dinglai te a \ha tawk em tih zirchiang a, a \ul ang zela sawrkar finchhuah leh sawrkara rawtna thlen te, naupangte dikna leh chanvo bawhchhiatna a lo thlena an thlavang hauhsak te, naupang \anpui ngai apiang \anpuite chu a hna thawh tur langsar zual a ni.
Heng bakah hian Naupangte dikna leh chanvo rahbehsakna a lo thlenin thubuai lut kher lo pawh nise ama thu in Commission hian hma a la thei a. Naupang chunga hleilenna leh an dikna chanvo rahbeh sakna chungchang a ngaihtuahna ah Commission hi Civil Court thuneihna pek a ni a, mi tupawh a hmaa inlan tura koh theihna te, thuhretute thusawi lakkhawm te, record leh document eng pawh lakchhuah theihna te pek a ni a, thubuai eng pawh Magistrate te hnenah a hlan chhawng thei bawk. MSCPCR Secretary tharah hian Lalsangpuia chu Secretary niin member mi 3 ruat an ni bawk.

Popular posts from this blog

PAN CARD an tih teh fo hi - Laldinpuia