Auditorium hmun enfiah nise

Serchhip in Auditorium \ha tak kan neih chu nizan hmasa khan a chhaklam ko chu thui fe a min a, hemi hmalam kumin June thla vel khan

a kawt lam chu a che tawh nia a lan bakah tunhnai khan hmun \henkhat te pawh a che leh niin a bul vela cheng te chuan an sawi a. He kan Auditorium sakna hmun thu ah hian mipui tam tak hi an ngaih ala ngam zan lo nia a lan avangin helai hmun hi kan sawrkar hmalakna in mithiam te hian enfiah thei se a duhawm hle mai a. Chumi rual chuan he Auditorium awmna mual mawng lamah hian leimin tur venna te pawh \ha taka siam ni thei se  duhawm hle a ni.

Kan hriat angin Serchhip Auditorium sakna hmun hi tunhma lama Field No-I kan tih \hin kha niin kha Field-ah khan tuihna put a awm reng avangin a diak \hin viau a. Hei mai bakah hian a thlanglam pawh hi leimin \hinna hmun niin mi tam tak pawhin an In te an lo rauhsan tawh nghe nghe a ni a. Hei vang hian he Auditorium sak a nih dawnah pawh mi tam tak chu an lungawi chiahlo ni te pawhin a lang a. Tunhnua In lian leh rit tak a din hnuah leh tunhnaia lei che a awm nia sawi a awm hnuah phei hi chuan a thlanglam-a In nei te tan phei chuan ngaihngam taka awm a harsa tawh viauin a rinawm a, chuvang chuan kan sawrkar tan pawh mipuite tan a him leh himloh enfiah hi thil \ul tak a ni.

Hei bakah hian kan hriat angin helai Auditorium awmna mual hi leimin \hinna a nih avangin Auditorium a awm tak hnuah phei hi chuan a min zui lohna turin a mawng kawrh lamah hian Check Dam \ha tak siam pawh a \ul hle mai a. Hemi tur pawh hian khaw-tlang hruaitute leh sawrkar hian hma an lak a \ul hle bawk a ni.