Jharkhand MLA rual rawn zin

Jharkhand Legislative Assembly hnuaia Ethics & MLA Fund Monitoring Committee member-te chuan nimin khan Mizoram Governor, Kummanam Rajasekharan chu Aizawl-a a chenna, Raj Bhavan-ah hmuin inkawmna hun an nei.
He an inkawmna ah hian Mizoram Governor, Kummanam Rajasekharan chuan MLA te chu mipui thlantlin leh ram tana thawk tura beisei an nih angin, mipui duhdan te chu dah hmasain an tum ram ti puitling tura beisei an nih thu a sawi a. Assembly-in Session atana hun a neih chu a hluin, he hun chhung hian a tam thei ang ber rorel nan hman a pawimawh a ni, a ti a. Mimal tinin ngaihdan an nei \heuhin, an member puite ngaihdan chu an \awmpuiin an pawmpui lo thei tih pawh sawiin, Assembly-a inkhawm theih loh apiang hian mipui hun leh tha kan khawlral sak a ni, a ti bawk.
He inkawmnaah hian Jharkhand Legislative Assembly hnuaia Ethics & MLA Fund Monitoring Committee member-te chuan India ram khaw hrang hrangah kalin, an chin dan \ha te chu zirchiangin, an tawnhriat te an \awm thu an sawi a. Jharkhand Legislative Assembly inrelbawl dante sawihoin, an rama hmasawnna hna thawh lian zualte an sawiho a ni. Member-te chuan Mizoram an hmuh dan tlangpui Governor hi an hrilh bawk.
Jharkhand a\anga lokal heng Ethics & MLA Fund Monitoring Committee member te hian nimin vek khan Mizoram Legislative Assembly tlawhin Mizoram Legislative Assembly Speaker, Hiphei bakah Mizoram Legislative Assembly hnuaia MLA 6 te telna Ethics Committee te an kawm bawk a. He meeting-ah hian State pahnih inthian\hatna bakah Assembly House chhung a MLA te awmdan leh inkaihhruaina te sawiho niin, State pahnihte MLA leh an MLA Fund hman dan leh enzui dan te sawiho a ni bawk.

Popular posts from this blog

PAN CARD an tih teh fo hi - Laldinpuia