Bru Roll Revision Form ruk chhuah a ni
Kar kalta Ningani (Aug. 23, 2018) zan khan Mamit District Election Office chu mi tu tih hriatloh ten an rawk a, Tripura Transit Camp-a Bru awmte Electoral Roll Revision form 6, 7 & 8 engemawzat rukbo a ni.
Thudawn danin Tripura Transit Camp hrang hranga Bru awmte Electoral Roll a thunluh, paih leh belh, siam\hat dilna form hi Aug. 20, 2018 (Thawh\anni) zan dar 11:00 khan District Election Office, Mamit thlenpui nia hriat a ni a, Ningani zan khan mi tutih hriatlohte chuan Election Office Ground Floor tukverh leh Bar tichhia a lutin heng form hrang hrangte hi rukbo a ni ta a ni.
Mamit District Superintendent of Police, HL. Thangzuala chuan he thil thleng chungchang ah hian Zirtawpni zan dar 8:00 vel khan FIR an dawn thu sawiin, Case Register nghal a nih thu leh he thil thleng chhui tur hian Inrinni khan Special Investigation Team (SIT) din a nih thu a sawi a, he SIT-ah hian Jacob Hlychho, SDPO kaihhruaina in member pali (4) an awm thu leh Forensic lam chah turin hnuhma a pherh tawh deuh avanga harsatna a awm thu sawiin, theihtawp chhuaha hma an lak nghal thu leh he thu buatsaih lai thleng hi chuan pawi khawihtu emaw, rinhlelh emaw man an la neih loh thu a sawi bawk.
He thil thleng chhuichiang tur hian tun thla ni 24 khan Zorammuana, Joint Chief Electoral Officer, Mizoram chuan Mamit thlengin hnuchhui hna thawh mek a nih avanga thil tam tak sawi theih a nih loh thu leh an tihtur ang ang an buaipui mek thu a sawi a, Mamit-a Election Officer, J. Miahlung pawhin engmah sawi theih an la neihloh thu a sawi bawk.
Comments
Post a Comment