Sipai bang lungawilo in kawng an zawh; Serchhip-a Sipai bang ten an thlawp

Sipai bang pawl, Ex-Servicemen te chuan sawrkar laka an thilphut hrang hrang tih hlawhtlin ngiatin nimin khan Aizawl-ah kawng an zawh a, he kawngzawh hi Serchhip-a Ex-Servicemen te chuan an thlawp thu an sawi.

Mizoram Ex-Servicemen League chuan Mizoram sawrkar laka an lungawi-lohna hrang hrang te lantir nan Aizawl Chanmari a\anga Vanapa Hall kawt thleng kawng an zawh a, he kawngzawhna ah hian sawrkar lak a an lungawilohna hrang hrang te chu an auchhuahpui a ni. Mizoram Ex-Servicemen hotute chuan ramchhung state dang ten sawrkar laipui pawmpuina a sipai bangte an duhsak em em lai a ham\hatna an pek ang chu Mizoram sawrkar in a ti ve lo chu hriatthiam har an tih thu an sawi a, tun ang dinhmun zela an kal a nih chuan \halai tam tak Sipai \an tum te pawhin Sipai \an an chak lo mai ang tih an hlauh thu an sawi bawk.

Nimin a kawnzawhtu Ex-Servicemen te hian an lungawilohna an sawi hrang hrang zingah Ex-Servicemen te chanvo ni \hin, Home Guard Department enkawltu Director General Post hna Mizoram Police Service (MPS) tana siam an duhloh thu te, Property Tax an la awllo te, Ex-Servicemen te tana Job reservation la siam mumal loh te, Indopui pahnihna a Veteran leh an pasa thihsan hmeithai lawmman tihpun la ni lo chu tihpun an phut thu te an sawi a, an pawl ah hian member 39,800 an awm mek tih an sawi bawk. Nimin a Ex-Servicemen ten Aizawl-a kawng an zawh hi Serchhip Ex-Servicemen te chuan an thlawp thu sawiin, an thilphut te chu sawrkar pawhin a tih hlawhtlin ngei an beisei thu an sawi bawk.

Lawngtlai District chhunga Ex-Servicemen te pawhin nimin khan Lawngtlai Chandmary Square a\anga Areopagy, Lawngtlai Bazar thleng kawng an zawh a, DC Office chhehvel bakah hmun remchang laiah Sawrkara an thilphut tihlanna thuziak an tar bawk. Kolasib-a Ex-Servicemen te pawhin lungawilohna avanga kawngzawh hi DC Circuit House kawt a\anga \anin Kolasib DC Office kaltlangin, Diakkawn Square thleng an zawh a. Champhai-ah chuan Champhai Vengsang (Presbyterian) Biak In tual a\anga \anin Bethel (Kawn) Veng thleng kawng hi an zawh a. Kawngzawh lai hian Mizoram Sawrkar thutlukna siam an duhlohna ziak an ken bakah Dawrkaikawn leh Bethel Kawn-ah thusawina hun hman a ni bawk.