Tuitla vuliam nghal

Ningani kaltaa Churanchandpur Sendra Loktak Lake-ah an chuanna lawngleng a\anga chesuala nunna chan, Lalrempuii, Serchhip Chanmari Veng ami ruang chu Inrinni khan Serchhip rawn thlenpui niin Inrinni tlai khan vuiliam nghal a ni.
Kum 19-a upa Lalrempuii, Biakhmingthangi fanu, Serchhip Chanmari Veng hi Churachandpur-a pasal nei a awm, a u damlo awmpui turin a zin a, Churachandpur ah hian kar hnih vel awmin Ningani khan a \hiante nen Sendra Loktak Lake, Loktak Dil-ah intihlimin lawngleng-ah an chuang a, lawnglengah hian lawng khalhtu nen mi 5 chuangin Lawng-a an chuan lai hian Lalrempuii hi tuiah a tla palh a, Lawng khalhtu leh helai hmuna dutyn ten darkar chanve chhung vel a zawn hnuah a ruang hmuh a ni.
Lalrempuii chetsual chungchang a thil awm dan hi Moirang Police enfiahin a ruang pawh an la nghal a, Zirtawpni khan RIMS Hospital, Imphal-ah a ruang postmortem niin hemi zan hian Serchhip rawn panpui a ni a, Inrinni chawhnu dar 3:00 rik hma hret khan Serchhip hi rawn thlenpui niin a ruang hi Serchhip Bazar Hnuai-a an Inpui ah dah a ni a, hemi Ni tlai vek khan vuiliam nghal a ni.

Latest News

Chief Minister hovin Council of Minister \hukhawm

Chief Minister, Lal Thanhawla hovin Council of Minister te chu niminpiah Chief Secretary’s Conference Room-ah \hukhawmin Department 9 a\an...

Popular News