Sik leh sa danglam zel chungchang thlirho

Nimin khan a chhe zawnga sik leh sa danglam chho zel do tura State sawrkarin hma lak dan thlirhoin EF&CC Department Principal Secretary, Lalram Thanga hovin New Secretariat-a Secretariat Conference Hall-ah sawrkar mi pawimawhte an \hukhawm.
He \hutkhawm ah hian Lalram Thanga chuan sik leh sa inthlak danglam zelah hian mihringte pawh inthlak danglam ve a ngai a, lo neih dan te, ramngaw enkawl dan leh tuihna humhalh dante pawh fimkhur lehzuala kalpui a ngai a ni, a ti a. Paris Agreement-in ruahmanna a lo duan chhuah chu Mizoram pawhin a ngaihven zel a \ul a, UN Sustainable Development Goals te pawh ngaih pawimawh a ni zel chu a lawmawm a ni, a ti bawk.
He \hukhawm hian sik leh sa inthlak danglam venna atana Mizoram in a mamawh bik ruahmanna duanchhuah chungchang te, fel fai taka ziaka hmalakna dah chungchanga hmasawn zel dan tur te, Science thiamna hmanga invenna leh indanna chungchang te, \ha zawka zirchianna neih dan tur te, Agriculture leh Horticulture a ngawng dan te leh \ha zawka Lo neih dan tur te leh thil dang pawimawh hrang hrang sawihoin hmalak tawhna te an ennawn a ni. State Action Plan on Climate Change (SAPCC) hi National Action Plan on Climate Change (NAPCC) in thu a chhuah angin, kum 2009, August thla-ah bul \an a ni a. Hna thawh tur 9 a nei a ni.

Popular posts from this blog

PAN CARD an tih teh fo hi - Laldinpuia