Saturday, 25 August 2018

Mat phairuam ngaih pawimawh


Mat phairuam ngaih pawimawh


Mizoram sawrkar chuan NEDP sum a\angin Serchhip Mat Phai-a Chawm kai-ah Thir Lei (Bailey Bridge) dawh tumin hma a la a, hemi atan hian Chief Minister pawhin a lung a phum tawh nghe nghe a. Serchhip a mi tam takin ei an zawnna hmun leh thlai chi hrang hrang kan tharchhuahna hmun awlsam zawka tlawhpawh a nih theihna tura sawrkar in hma a la leh helai panna kawng siam\hat na tura sum tam tham tak a dah hi a lawm-awm hle mai a. Heng sawrkar hmalakna leh ruahmanna te hi \ha taka zawhfel thuai a nih theih nan a enkawltu Department te hian chak takin hma la thei se a duhawm hle a ni.
Serchhip Mat Phai hi Serchhip khua ti hming\hatu leh thlai tam thar kumtina kan tharna hmun a ni a, hei vang hian politics zawng pawhin inthlanpui kan neih dawn hnaiah leh hnai chiahlo ah pawh sawi a ni fo \hin a. A panna kawng laihzauh leh Black topping thu ah te pawh thu inchuh a awm lek lek fo \hin a, tuna sawrkar in hma a lak thar lehna ah pawh hian mi tam tak ten lawmthu an sawi laiin, Sawrkar hmalakna duhkhawp lova lo sawihnawm pawl pawh an awm tho in a rin-awm a ni.
Amaherawh chu kan sawi fo tawh angin helai hmun hi chhungkaw tam tak eizawnna leh kan khua ti hming\hatu a nih avangin eng party leh tu kaihhruai pawh lo sawrkar se helai Mat phairuam-a hmasawnna hi Serchhip khaw mi kan nih anga kan ngaih pawimawh leh kan duh ni fo thei se a duhawm hle mai a. Sawrkar hmalakna awm ang ang te pawh a sawiseltu leh sawihnawmtu ni lova, \ha taka zawhfel a nih theihna tura ngaihtuahna seng tlangin, helai hmuna hmasawnna turin kan theihtawp i chhuah tlang teh ang u.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...