Bru chhungkaw 5,407 lak let turah chhungkaw 197 chiah let duh an la awm

Tripura Bru Relief Camp 6-a Mizoram mi awm, tun thla ni 25 a\anga Mizoram-a laklet duhte enfiahna chu neih mek zel niin nimin-a he thu buatsaih lai thleng hian Mizorama let tura in-report chhungkaw 197 an awm tawh a. Tripura Bru Relief Camp 6-ah hian Mizoram Bru laklet tur chhungkaw 5,407 an awm a ni.

Tripura Bru Relief Camp hrang hranga Mizoram Bru Displaced People Forum (MBDPF) hruaitute sawi danin, niminpiah a\ang khan Mizorama kir duh leh duhloh zawh chian hna hi Camp hrang hrang 6-ah tawh \an a ni a, nimin chhun thleng khan Mizoram hnaih ber, Kaskau Camp-ah Mizoram rawn let duh chhungkaw 193 in-report an awm tawh a, Naisingpara-ah chhungkaw pakhat (1), Khakchangpara-ah chhungkaw 3 an awm tawh a ni.

Hetihlai hian Hamsapara camp-a awm Mizoram rawn let duh in-report mi 51-te chuan niminpiah tlai khan thu hran nei lehin an inhnukdawk leh vek a. Asapara leh Hazacherra camp a\ang pawhin Mizoram rawn let duh in-report hi nimin chhun thleng khan an la awm lo nia thudawn a ni a, nimin chhun thlenga Mizorama rawn let duh in-report chu an vaiin chhunkaw 197 chauh an la ni.

Tripura Relief camp-a Bru-te hi Aug. 14, 2018-a hruai kir tan tura tih an ni a, ruahmanna engkim peih ni tawh mah se, Ministry of Home Affairs (MHA) thu angin, hruai kir hna hi August 25, 2018-ah \an a ni dawn a, MHA-in Bru laklet \an hun atan August 25, 2018 a ruat a, chumi hma chuan Relief Camp-a Bru-te chu Mizorama an kir duh leh duh loh zawh chian mek an ni.

Bru Relief camp-a awmte hian Mizoram-a an rawn let hunah chhungkaw 500 tala awmkhawm an phut a, chhungkaw tin tan ram hectare 5 te, an dawn tur sum cheng nuai 4 chu kum 3 hnua lak theih tura Fixed-a dah sak lova an Account-a thun sak leh Development Council dinte an phut mek a. Hruaikir an nihna tura Sawrkar laipui, Mizoram leh Tripura sawrkar leh MBDFP ten inremna an lo ziah tawh chu duh lovin MBDPF hruaitute chu inhnukdawk tura an phut angin MBDFP hi he inremna a\ang hian an inhnukdawk a, MBDPF inhnukdawhna hi sawrkar lam chuan Official-a an hriat loh avangin ruahman lawk anga hmalak mek zel niin Tripura Bru Relief Camp 6-a Mizoram mi awmte hi tun thla ni 25 a\anga la let \ana, let tur awm zawng zawngte Sept. ni 25-a zawhfel tum a ni a, Oct. 1 a\ang chuan Bru Relief Camp 6-te khara \anpuina leh chhawmdawlna awm zawng zawng pawh sawrkar laipui chuan tihtawp a tum bawk a ni.