Inthlanpui neih tur thlirlawk

Mizoram in kumin a Assembly inthlanpui a hmachhawn tur chungchangah niminpiah khan Election Commission of India a\angin Deputy Election Commissioner, Sudeep Jain leh Senior Officers te chuan Aizawl rawn tlawhin sawrkar hotute nen inkawmna an nei a.

He inkawmna ah hian Electronic Voting Machines (EVM) leh VVPAT chungchang inhrilh hriatna uar zawka kalpui tura rel niin District tinah DC te’n Meeting leh Awareness Programme buatsaih nise an ti a. Election Commision of India-in kum 2018 atan Accessible Election theme a thlan angin, Deputy Commissioner te chuan an awmna khua leh tui te’n vote an thlak vek theihnan vohbik (disabled persons) te pawh enrollment siamsak tura hmalak ni se an ti bawk. Hei bakah hian boruak zangkhai leh ralmuang taka Mizoram-in Assembly inthlanpui a neih theih dan tur Police Officer te nen thlirho niin Polling Station chungchang te, Polling Station chhunga mamawh hrang hrang tui in tur, inthiarna, taksa lama harsatna neite tan Ramp awm theihdan turte sawiho tel a ni.