Mizoram-a RMNCH+A hma-lakna thlirletna neih a ni

Kum 2017-18 chhunga Mizoram sawrkarin Reproductive, Maternal, Newborn, Child and Adolescent Health (RMNCH+A) hmalakna a kalpui dan thlirletna leh Pradhan Mantri Surakshit Matritva Abhiyan (PMSMA) ah naupai en tam ber Category-ah hmarchhak state zinga ti \ha ber lawmman Mizoramin a dawn lawmna chu nimin khan neih a ni.

Tourist Lodge, Aizawl-a he hun hmanna ah hian Health Minister, Lal Thanzara chuan National Health Policy 2017 hnuaiah Mizoram chuan target neiin, kum 2020-ah nu naupai lai leh nauchunga thi zat tehna MMR chu 100-ah a tlahniam tur a ni a,  Infant Mortality Rate chu kum 2019-ah 28, kum 5 hnuailam thihna chu kum 2025-ah 23, Neonatal Mortality Rate chu kum 2025-ah 16 ah tla thla hman tura beisei kan ni tih sawiin, target bituk hlen ngei tura hma la turin kalkhawmte chu a chah bawk.

Ministry of Health & Family Welfare, Govt. of India in a buatsaih ‘IPledgeFor9’ Achievers Award 2018-ah Mizoram hian PMSMA Team Award a dawng a. June 29, 2018 khan Department aiawhin Mission Director (NHM) Dr. Lalrozama, IAS leh RCH Special Prog-ramme Officer Dr. Hmingthanmawii ten New Delhi-ah an dawng a. He Award hian Citation leh Memento a keng tel a ni.

PMSMA hnuaiah hian nu naupai, thla 4 a\anga thla 9 inkar chuan nau an pai chhungin thla thar ni 9 apiangah vawikhat tal an naupai chu Doctor ten an en tur a ni tih a ni a. Ultrasound leh test hrang hrang te pawh he programme hnuaiah hian a thlawn vek a tih a ni a. District Hospital, Sub-District Hospital, Community Health Centre leh Public Health Centre-ah te he programme hi thla thar ni 9 apianga kalpui \hin niin a tum ber chu nu, raicheha thi tihtlem leh \ha taka nau an neih theihna tur atana enkawlna \ha pek a ni.