Chess Championship tan a ni

Serchhip District Chess Association (SDCA) buatsaih ‘PC. Rohlupuia Memorial Chess Championship (MVA Rating Tournament) chu nimin khan Serchhip-ah khelh \an a ni a, Serchhip District Sports Committee Chairman, K. Tlangthan-mawia chuan a hawng a ni.
New Serchhip YMA Hall-a khelh tur ‘PC. Rohlupuia Memorial Chess Championship (MVA Rating Tournament)’ hawnna hunah hian Serchhip District Sports Committee Chairman, K. Tlangthanmawia chuan mi tam tak ten an chhungte boralta te tuina leh tih \hin pawh hre zui lova an awm laia PC. Rohlupuia chhung ten hetianga PC. Rohlupuia hriatrengna tur an buatsaih chu lawmawm a tih thu a sawi a ni.
SDSC Chairman chuan Chess chu Thluak Game a nih thu leh kum upa te tan pawh awm-hmun a khelh theih a nih thu sawiin, khawhar hnemtu \ha tak a ni nghal tih a sawi a. SDCA hmalakna hrang hrangte pawh sawiin, Serchhip-a Sports Complex chu infiamna chi hrang hrang tih theihna tur hmun atan buatsaih mek zel a nih thu leh hei vang hian Sports Discipline pakhat tana enkawl theih a nih loh avangin District Sports Committee chuan an enkawl thu a sawi bawk.
Serchhip District Chess Association Vice President, David Laldintluanga kaihhruai he hunah hian Mizoram Chess Association (MCA) aiawha rawn kal MCA Asst. Secretary, Lal\ha-zama Hrahsel Saza chuan Chess khel mite tuihalna phuhru tura mi inphal leh Chess hmangaihtu an awm chu lawmawm a tih thu sawiin, kum naupang zawk te zingah Chess khel thiam chherchhuak tura nasa zawka hmalak a \ul thu a sawi bawk.
PC. Rohlupuia Memorial Chess Championship-ah hian Mizoram hmun hrang hrang a\angin Chess khel thiam mi 60 vel an rawn tel a, Mizoram chhunga Chess khel thiam lar zual te chu rawn tel kim hle a ngaih niin tunkar Zir-tawpni khian zawhfel hman tura ruahman a ni.

Popular posts from this blog

PAN CARD an tih teh fo hi - Laldinpuia