Tuesday, 7 August 2018

Sesawng leh Khawruhlian inkar Tuirini lui-a Bailey Bridge dawh chu hawn a ni ta

Chalfilh bialtu MLA, Dr. Ngurdingliana Sailo chuan Sesawng leh Khawruhlian inkar Tuirini-a Lei (Bailey Bridge) dawh thar chu nimin zing khan a hawng.
Lei dawh thar hawnna hun nimin zing-a neih ah Dr. Ngurdingliana Sailo chuan hetianga Lei hawn theih a ni ta chu lawmawm a tih thu sawiin, he Lei hi Mizoram mipui, a bik takin hmar tlangdung mipui te chak lakna pawimawh tak a ni tih a sawi a. Harsatna hrang hrang kara mipuite zawh theih tura dawhkai leh hawn a ni ta chu lawmawm a tih thu a sawi bawk. Tuirini Lei dawh thar hi ft. 210-a sei niin Ft. 160-ah a dona ban (RCC Pier) chu phun a ni a, he Lei hi sawrkar laipui sum-a dawh tur ni mah se rang taka zawhfel a nih theih nan Mizoram sawrkar chuan nuai 210 a sanction a ni.
Sesawng leh Khawruhlian inkara Tuirini lui-a Lei hi kum 1973 khan dawh ni tawhin he Lei hi kum engemaw zat hman a nih hnuah a \hat tawk tawhloh avangin Mizoram sawrkar chuan thlak tumin hma a la a. Essen company Kolkata in Lei dawhna tur an siam chu lain kumin January ni 8 khan Lei dawh hna hi \an a ni a, Ft. 200-a thui hei Lei dawh zawh a nih dawn hnaih kumin February ni 12 zing dar 9:45 khan Lei dawhlai chu chimin HC. Lalfakzuala (46) Sesawng chu a hmunah thiin, Laltleipuia Hmar (27) Sesawng khua vêk chuan hliam a tuar bawk a. Hemi hnu hian sawrkar chuan Lei dawh hna hi thawk lehin Lei hi dawh zawh ni tawh mah se rawng hnawih erawh zawhfel ala ni lo a, tunkar Ningani khian hawn tura ruahman ni mah se tunhnai ruahsur ah he Lei helna kawng chu zawh theih a nih leh tawhloh avangin hawn hun tura ruahman aia hma ah hawn a ni ta a ni.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...