Mizoram Police Wives Welfare Association (MPWWA) Serchhip Unit dincham lawm a ni

Police nupui intelkhawmna, Mizoram Police Wives Welfare Association (MPWWA) Serchhip Unit chuan nimin khan an dinchamphaphak vawi 3-na ruai nen an lawm.

Mizoram Police Wives Welfare Association (MPWWA) Serchhip Unit ten nimin a an dinchampha lawmna hi Serchhip SP Conference Hall-ah neih niin an pawl Secretary, Lalhmingchhuangi chuan a kaihruai a, he hun khuallian nia hmanpuitu Serchhip Addl. SP, Riadao Hlychho MPS chuan Police nupui te inzawmkhawmna \ha tak an nei chu lawmawm a tih thu sawiin, Nu te chu chhungkaw khaidingtu ber an nih avangin an pawimawh thu a sawi a. Police te chu engtik lai pawha mipui himna atana thawktu an nih avangin hna an thawh hlana chhungkua \ha tak lo enkawltu Nu te chu an pawimawh thu uar takin a sawi bawk.

He hunah hian Khual Zahawm Serchhip SDPO, Lalnunmawii Varte pawhin thu sawiin Nu te pawimawhna hrang hrang a sawi a. Nu te chu Inchhung enkawltu mai ni lova Chhungkaw enkawltu ni turin a chah a. An pasal ten \ha taka hna an thawh theihna tura \anpuitu pawimawh ber an ni tih hre reng turin a chah bawk.

He hunah hian an pawl General Secretary, F. Ramngaihawmi chuan report pein an hmalakna hrang hrang a tarlang a. An pawl in Police nupuite tana Puan\hui zirna an buatsaih ah mi 6 ten Puan\hui an zirchhuah tawh thu a sawi a. Police te chhungkua ah damlo te kanin an fate zingah zirna a ti\hate hnenah chawimawina leh lawmpuina an hlan \hin thu te leh Krismas dawnah mi harsa leh Home hrang hrangah thilpek an hlan \hin thu a sawi bawk.

Mizoram Police Wives Welfare Association hi kum 1998-ah Aizawl-ah din niin, Police nupui, nunphung leh mizia inanglo tak tak ten an nihphung ang anga hma an sawn ve theihna tur leh an lo changkan ve theihna tur atana din a ni a, tunah hian Mizoram-a Police Battalion tinah din ni tawhin Serchhip-ah pawh Aug. 8, 2015 khan khatihlaia SP, Romil Baaniya leh a nupui, Juhi Mukherjee te kaihhruaina hnuaiah din a ni a, he pawl hi Pathian thu, ‘Nang malsawmna ni ang che’ tih Motto nei-a ding a ni.