NEDP sum cheng nuai 571 senga Chawm Kai-a Lei dawhna tur lungphum Chief Minister in a phum

Serchhip Mat Phai Chawm kai-a NEDP sum cheng nuai 571 senga Bailey Bridge dawhna tur lungphum chu nimin khan bialtu MLA leh Chief Minister, Lal Thanhawla chuan a phum a. He Lei hi thla 18 chhunga dawh zawh hman tura ruahman niin tuna Temporary Suspension Bridge awm mek chu a thlak ang.

Serchhip Mat Phai Chawm kai-a he Lei dawh tur lungphum phumna hunah hian Chief Minister, Lal Thanhawla chuan Mat Lei, Chawmkai a dawh tura hmalak a ni chu lawmawm a tih thu sawiin, kuthnathawktute eizawnna kawnga chhawk zangkhaitu a nih tur thu a sawi a. Mat ruam chu buh leh bal leh thlai dang tharchhuahna hmun pawimawh a nih avangin he Lei hi dawh zawh a nih chuan helai mipuite tan Agriculture leh Economy hmasawnna hmanraw \angkai tak a nih dawn thu sawiin, Kuthnathawk mite sawrkarin a ngaipawimawh in a theihna apiangah remchanna a siam sak \hin thu a sawi a, Lei dawh hna pawh chu chak taka thawh zawh a beisei thu a sawi bawk.

Chief Minister, Lal Thanhawla chuan ramin a mamawh ang zelin sawrkarin policy a siam \hin thu sawiin, rambuai laiin remna chu mipui mamawh ber a nih avangin remna leh muanna a thlen theih nan lal \hutthleng an ken thu a sawi a, chumi hnuah In chung tur mamawh tan Rangva semin mipui retheihna khur a\anga khaichhuak tura hmalak a nih leh thu a sawi a, kuthnathawktu leh eizawnna ngelnghet neilo te tan NLUP hmanga mahni khawbuzawl a thlamuang taka an khawsak ve theih nan hmalak a nih thu te, chung hmalakna zawng zawng tichak a belhchhah turin NEDP duanchhuah a nih chhoh zel dan te a sawi bawk.

Chief Minister chuan ram hmasawn leh intodelh ni tura hmalakna hna kalpui mek te sawiin, kawlphetha a intodelh theih nan Hydel Project bakah nizung chakna hmanga kawlphetha siam chhuahna Solar Energy Plant hmun engemawzat ah bun a nih thu te a sawi a. Ramri-a insum-dawntawnna chu Myanmar nen kalpui a nih hnuah Bangladesh nen kalpui leh tura ruahman mek a nih thu leh Bairabi leh Sairang inkar-a Rel kawng siam tur chu Kawrpuichhuah thlenga siam turin Survey neih a nih tawh thu te, Inkalpawhna kawnga hmalakna ah Kaladan Multi Modal Transit project nen inthlunzawm in Mizoram chu sumdawnna chhuahka ni tura buatsaih mek a nih thu te, Latawh-ah Airport siam tum a nih thu yte, ei leh in Mizoram in a tharchhuah leh a siamchhuah te chu man man zawka hralh theih tawhin, eizawnna kawng a inhawng zau zel dawn a ni, a ti a. Sawrkar hna a innghat ringawt lovin eizawnna \ha dang tam tak \halaiten an neih theih nan Entrepreneurship Development Scheme neih nih thu te a sawi bawk.

Lei dawhna tur lungphum phumna puala inkhawm buatsaih hi Er. R. Vanlaltluanga, Engineer-in-Chief, PWD chuan kaihruaiin, Serchhip Mat phai chumi 300 chuangin nitin eizawnna atan an hman thu sawiin, tuna mipui ten harsa taka an zawh \hin Suspension Bridge chu Fur leh |hal-a hman kawp theih tur Bailey Bridge a thlak thuai a nih dawn thu a sawi bawk.

He hunah hian Er. Vanlalchhuana, S.E., PWD (Eastern Circle) chuan Report pein he Lei hi feet 180 a thui, feet 9.10 a zau tur a ruahman a ni a. Ton 24 dawl zo tura ruahman niin a lei chhuat (deck level) hi meter 381.467-a sang tur niin Fur tui chimsan lai ber aiin metre 2 a sang dawn a ni. Lei dawhna atan hian NEDP sum cheng nuai 571.00 ruahman niin, tunah hian hna thawk tur online in quotation koh mek a ni a, hna pumpui hi thla 18 chhunga thawh zawh tur niin, Mizoram a Galvanized Bailey Bridge hmasa ber tur a ni.

Nimin a he hun hmanna ah hian Serchhip Agriculture and Horticulture Coop Society President, PC. Siamliana chuan sawrkar duh-sakna an dawn hrang hrangah lawmthu a sawi bawk a ni.