India leh Myanmar ramri-a inkalpawhna hawng

India leh Myanmar sawrkar inremna, Rih-Zokhawthar kana inkal-pawhna ‘Agreement on Land Border Crossing with Myanmar’ hawnna hun chu nimin khan Rih-Zokhawthar Border-ah neih a ni.
Indo-Myanmar Border inkalpawhna hi Salai Lian Luai, Chief Minister Chin State Myanmar leh India sawrkar aiawh, H. Rohluna, Commerce & Industries Minister, Mizoram te chuan Ribbon chepchatin an hawng a, hemi hnu hian mumal taka inkalpawhna tihhlawhtlinna leh entirnan Rih Sector Indo-Myanmar Border Trade Point Zokhawthar Bridge chu ke-in an zawhkai a ni. Hemi hnu hian Land Custom Station Hall, Zokhawthar-ah inkawmna neih zui niin Salai Lian Luai leh H. Rohluna te chuan India leh Myanmar sawrkar hmalaknaa ramri inkalpawhna tur inremna mumal tak siam a ni chu lawmawm an tih thu leh ram pahnihte inkara inlaichinna \ha tak siamtu anih ngei an beisei thu an sawi a ni.
India leh Myanmar Sawrkarin tunhnaia ramri kana inkalpawhna kawnga inremna an siam ang chuan helai hmuna inkalpawhna atana hman mek ramri a\anga aerial distance Km 16 in a huam chhung chu ram pahnih tan awlsam taka inkalpawh theih anih bakah he Border Trade Point kaltlang hian ram dangmite tan passport leh visa hmangin luh leh chhuahna hmun International Point atana ruat a ni a. Tun \umah hian Sawrkar laipui chuan Myanmar ram chhunga inkalpawhna siamna tur atana Lei pahnih Indo-Myanmar Friendship Bridge, Zokhawthar tihchangtlunna tur leh Myanmar ram chhunga Byawnu Lui-a Leidawh turte zirchianna leh endikna nei turin Central Road Research Institute mithiam a rawn tir a, a ni hian vawiin leh naktuk hian endik hna hi a thawk dawn a ni.
India-a rawn zin Chin State Chief Minister, Salai Lian Luai hi Chin State mipawimawh tak tak Minister Border & Security Affairs; Member of Parliament, Falam; Immigration Head; Chief Auditor General, DC Falam; Police Commissioner, Hakha leh official dangte’n an rawn \awiawm a. Mizoram sawrkar a\ang pawhin sawrkar hotu lian \hahnem tak an tel bawk.

Popular posts from this blog

PAN CARD an tih teh fo hi - Laldinpuia