Leisekawt Mual laihzauh a \ul

Leisekawt Mual laihzauh a \ul

Serchhip in K|P General Conference a dawn tura Organising Committee te bultuma Serchhip-a khawtlang hruaitute leh tlawm-ngai pawl hrang hrangte tunhnaia \hukhawm chuan Serchhip P&E Veng-a Leisekawt Mual chu laihzauh a nih theih nan hmalak ho nise an ti a. He Field hi tunhma lam a\anga kan khua a Field kan neih zinga kan hman rim ber a ni \hin a, a awmna hmun hi khawpui laili a nih avang leh mipui tam zawk tan awlsam taka pan zung zung theih a nih avangin tun thleng in kan la hmang rim hle a. Amaherawh chu he Field hi tunhnuah duhkawplohna a lian ta hle mai a, a Field hi a zim deuh avangin kan Football Tournament neih \hin khelhna atan leh National Day hmanna atan pawh hman a ni ta ngai meuhlo a ni.

Hetianga kan khawpui laili laia Mual zau ber kan hman tak meuhloh avang hian kan Mual neih zinga zau ber, DC Playground chu hman rim a ni ta a. Amaherawh chu heng Football Tournament leh National Day atana DC Playground kan hman avang hian sum leh pai erawh kan sen belh nasa \hin ta viau niin a lang a. A bikin National Day-ah pawh tunhma lama kan sum senna ni ngai lemlo, zirlaite kalna turah pawh kumtin sum tam tak senral a ngaih phah ta ziah niin a lang a. Hei hi kan sawrkar sum dinhmun a\anga thlir chuan uiawm tham tak pawh a nih a rinawm.

Chuvangin, tuna kan khawtlang hruaitu ten mipui tana pan awlsam tur, Leisekawt Mual laizau tura hmalak an rel hi thil lawmawm tak niin a lang a. Chutihrual chuan sawrkar ram la hek tur kan nih dawn avangin fimkhur taka hmalak a pawimawh a. Kan khawtlang mamawhna hi kan sawrkar hotu lam pawh hian an hriatthiam a ngai dawn niin a lang.